Media ten Inthlanpui zirho

Mizoram Assembly inthlanpui neih tur atana inbuatsaihna kal zelah nimin khan Aizawl-a ICT Conference Hall-ah thuthar lakhawmtute pualin ni khat awh inthlan chungchang chanchinthar thehdarh dan inzirtirna buatsaih a ni a. He hun hi Addl. CEO H. Lianzela chuan hmanpuiin, inthlan lo awm turah vote a tam thei ang ber a tlak theih nan Media kaltlanga inzirtirna uar a tul thu a sawi a. Mipui Rorelna Democracy-ah chuan Media te hi ram innghahna lungphum palina an nih thu sawiin, ram hmalam hun atan an dinhmun a pawimawh hle, a ti a. Inthlanna felfai, thianghlim leh langtlang a awm theih nan Media kaltlangin hmalak a tul thu sawiin, Chanchinthar thehdarh kawngah pawh tan bik nei lo a lai taka thu thehdarh thin turin thuthar lakhawmtute hi a chah a ni. He Workshop-ah hian inthlan kaihhnawih hrang hranga Media-te mawhphurhnate, dan leh hrai chi hrang hrangte inzirtir a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar