Nomination Paper thehlut zingah inhnukdawk awm lo

Assembly bial 40 awmna Mizoram inthlanpui neih tur chuh tura hming pelutte inhnuhdawh theih chu nimin tlai dar 3:00 khan a tawp ta a, inthlan chuh tum-a hming pelut zingah inhnukdawk an awm loh avangin November ni 7-a Mizorama Assembly inthlanpui neih turah Candidate 174 an awm dawn ta a ni.

Mizoram Assembly inthlanpui neih tur chuh tuma hming pe lut zingah inhnuk-dawk an awm tak loh avang hian Rorellai MNF bakah Congress leh ZPM te chuan Bial awm zawng zawng 40-ah Candidate an nei vek a, BJP-in bial 23 leh AAP Mizoramin bial 4-ah Candidate an nei a, Independent Candidate 27 an awm bawk a. Candidate zingah hmeichhia 16 awmin a bak 158 chu mipa an ni.

Bial hrang hrang zingah Aizawl North III, Aizawl South I, Serchhip leh Lawngtlai West-ah te Candidate 6 theuh awmin, bial mala candidate tamna ber a ni a. Assembly Bial 10 chu Candidate 5 theuhvin chuhin Bial 22 te chu Candidate 4 in an chuh dawn a, Candidate tlemna ber Tawi, Champhai South, East Tuipui leh South Tuipui-ah te Candidate 3 theuh an awm thung a a ni. Kum 2018-a MLA inthlanah khan Candidate 209 awmin kumin hian Candidate 174 an awm dawn ta a ni.