Serchhip-ah State Level Mathematics Competition nei

/

Mizoram Mathematics Society leh Mizoram Science, Technology and Innovation Council (MISTIC) tangdun buatsaih State Level Mathematics Competition chu Inrinni khan Mizoram hmun hrang hrangah neih niin Serchhip-ah pawh Govt. HSS-ah he Exam hi neih a ni.
 State Level Mathematics Competition hi Mizoram-a Centre 13 - Aizawl, Lunglei, Champhai, Serchhip, Mamit, Kolasib, Saitual, Zawlnuam, Lawngtlai, Keifang, Khawhai, Siaha leh Khawzawl-ah te pawl 5, pawl 8, pawl 10 leh pawl 12 zirlaite tan buatsaih niin Mizoram pumah zirlai 4,082 an tel a. Serchhip Centre-ah hian pawl 5-ah 39, pawl 8-ah mi 34, pawl 10-ah mi 81 leh pawl 12-ah zirlai 16, an vaiin mi 170 an exam a ni.

Mizoram Mathematics Society chuan he inelna hi Mizo zirlaiten Mathematics an hlauhna tihbo a nih theih beiseiin kum 2007 atang khan buatsaih a ni tih an sawi a. Inelna buatsaih a nih theih nana sum leh pai ngaihtuahsaktu Mizoram Science, Technology and Innovation Council te, Exam beitu zirlai zawng zawngte, Zirtirtute, Zirlai nu leh pa te leh phurpuitute chungah lawmthu an sawi a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »