Mizoram Assembly Inthlanpui atan June thla atangin Mizoram Police te an inbuatsaih tawh

Mizoram Legislative Assembly inthlanpui neih tur chu fel fai, muanawm leh thianghlim taka neih a nih theih nan leh Mizoram mipui, vote nei te’n zalen tak leh him taka vote an thlak theih nan Mizoram Police chu kumin June thla atang khan a bik takin an lo inbuatsaih tawh.
Mizoram Police-a IGP Headquarters Lalbiakthanga Khiangte chuan he thu hi sawiin, Mizoram Inthlanpui neih tur atan hian Election Commission of India-in Security Duty dah dan tura ruahmanna a siam mil zela inbuatsaihin, Force Dduty tur pawh an indaihtawka an inhriat thu a sawi a. Mizoram Inthlanpui lo thleng turah hian Mizoram pumah Polling Station 1276 a awm a, heng zinga Polling Station 35 chu ven uluk zual ngai bikah ngaih niin heng Polling Station-ah te hian ECI duhdan angin venhim hna thawk turin Mizoram Police bakah Central Armed Police Force (CAPF) dah an ni dawn, a ti.

Election Model Code of Conduct (MCC) pawh tha taka kenkawh a nih theih nan Flying Squad leh Static Surveillance Team pawh din a nih thu Mizoram Police IGP (Hqrs.) chuan sawiin, Election Commission of India-in a phal angin Bial tinah Static Surveillance Team (SST) Team 2 aia tlem lo leh Flying Squad (FST) Team 2 aia tlem lo din a ni a, tun dinhmunah Mizoram pumah FST 96 leh SST 93 an awm mek thu a sawi a. Law & Order report pawh ni tin ECI-ah thawn a nih thu a sawi bawk.

Inthlanna fel fai leh thianghlim a awm ngei theih nan Mizoram Police chu a inbuatsaihin hma a la zel dawn tih IGP Lalbiakthanga chuan sawiin, mipuite chu dik lo tak thil tih tum lo tur te, tan luat avanga tharum thawhna laka fihlim tur te, midang leh party dangte elsen zawnga tawng lo tur leh aurinna hmanga thil ti lo turin mipui a chah a. Vote nei chin te chu an tih tur, vote thlak ngai pawimawh a, rilru fim tak nen vote thlak turin a ngen bawk a. Inthlanna fel fai, muanawm, thianghlim leh hlawhtling tak neih a nih theih nana tangrual turin mitin a ngen a ni.

Mizoram Police te hian inthlanna ah sum leh pai hmanga diklo taka inthlemna a awm lohna tur te leh mipui ten vauna leh harsatna nei lova an duh thlanga Vote an thlak theihna turin hmun hrang hrangah ngawrh takin Duty an kalpui mek bawk a ni.

Comments

Popular News (Last 30 Days)

LPG man bithliah thar