ZPM in a theih ngei tih an finfiah tawh tih an sawi

ZPM Research Wing chuan, an party thil tumte chu zirbingna an neih hnua a tih theih ngei a ni tih an finfiah tawh a ni tih an sawi.

Zirtawpni khan Aizawl Press Club-ah chanchinbumite kawmin ZPM Research Wing Secretary Dr. KC. Lalmalsawmzauva chuan kum 36 chhung Mizoram chu State a nih chhunga ram kaihruaitute Manifesto chu vote zawn nana an inziah thatsiak thin chu pawi an tih thu a sawi a. Kumin inthlanpui an neih tura an party thil tumte chu hun rei tak chhung an zirchian hnuah a tih theih ngei a ni tih an finfiah tawhte a nih thu a sawi a. ZPM chuan zirna an ngai pawimawh dawn thu leh tunhnai-ah Mizo thalaite Central Service-ah an tling tam lo thin chu inhnialna a nih thu sawiin, hemi chungchang an zirchianna atanga an lan dan chuan New Education Policy (NEP) hnuaiah zirna bulthut siamthat a ngai tih a sawi bawk.

Sawrkar laipui inkaihhruaina ang chuan zirtirtu pakhatin zirlai mi 40 a enkawl tur anga hisap a ni a, mahse Mizoram-ah chuan zirtirtu pakhatin zirlai 14 vel chauh a enkawl chunga zirna a tha thei lo chu siamthat a ngai tih an sawi a, hemi atan hian zirtirtu tha lak a ngai tih an sawi a, Zirtirtu hna lak chu induhsakna chi a ni loh thu sawiin, zirtir hna tui chiah lote lak an ni thin pawhin nghawng a nei, an ti a. Elementary Level-ah chauh pawh nikum khan zirtirtu post ruak hnawh khah loh 3,000 chuang a awm niin a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man