Expenditure Observer in MPF hruaitute a kawm

Mizoram Assembly Inthlanpui neih tura Serchhip District tana Expenditure Observer Umesh Phade IRS chuan nimin zing khan Serchhip District MPF hruaitute kawmin inthlanna felfai leh thianghlim neih theihna tura MPF hmalakna hrang hrang a sawipui.
Serchhip District-a Expenditure Observer Umesh Phade IRS hian nimin zing khan a thlenna, Serchhip Tourist Lodge-ah MPF Serchhip District hruaitute hi leng ah sawmin an hmalakna hrang hrang a sawipui a, Political Party te leh MPF Thawhhona Thuthlung bakah Election Model Code of Conduct (MCC) mipuiin an zawma Inthlanna tluang taka hlenchhuah a nih theihna tura tan la turin MPF te chu a sawm a. MPF leh NGO te hmalak avanga Mizorama Inthlanna thianghlim, felfai leh muanawm a lo awm tawh thin dan ECI leh amah ngei pawhin an hriat thin thu a sawi bakah ECI-in MPF hmalak a hlut em em thu te pawh MPF hruaitute hi a hrilh bawk a ni.

He hunah hian Serchhip MPF hruaitute hi an President Rev. Zohmunmawia hova telin MPF hruaitute hian hma an lo lak tawh thin dan leh kumin a Assembly Inthlanpui atana ruahmanna an siam dan leh hmalakna an neih tawh dan te an sawi a. MPF chanchin inziahna leh Political Party te nena Thawhhona Thuthlung an siam copy chu Observer hnenah hian hlanin MPF anga Election chungchanga hma la ve, pawl ngaihsanawm India ram State danga a awm ve loh thu Observer chuan a sawi bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar