Serchhip District-ah In lama Vote thlak ngai te an In-ah kal chilhin Vote thlak tir tan an ni

Mizoram Legislative Assembly Inthlanpui lo awm tur atan Serchhip District chhung Assembly Constituency pathum-a kum 80 chunglam te leh rualbanlote chu nimin Oct. 26, 2023 atang khan an chenna In-ah Inthlan buaipuitu ten kalchilhin Vote thlak tir an ni ta.

Election Commission of India in ruahmanna a siam angin Serchhip District chhung Assembly Constituency pathum- 26-Serchhip (ST) AC, 27-Tuikum (ST) AC leh 28-Hrangturzo (ST) AC huamchhunga khua leh Veng hrang hranga Kum Upa (Old Ages Voter), kum 80 chunglam leh Rualbanlote (Person with Disability) te chu nimin atang khan Election Polling Team te chuan a thawh khatna atan an chenna In-ah kalchilhin Vote an thlaktir tan a. Kum 80 chunglam leh Rualbanlote tana Vote thlakna thawhkhatna ah hian Serchhip District Election Office atangin Polling Team 6 te chuan Polling Equipment famkim nen District chhung Assembly Constituency pathum-a Veng leh khua hrang hrang tuamin, Polling Team-ah hian Election Presiding Officer, Polling Officer leh Security bakah an kalna Area a Booth Level Officer (BLO) an tel a, kum 80 chunglam leh Rualbanlote tana Vote thlak tirna thawhhnihna pawh neih chhunzawm leh thuai tura ruahmanna siam a ni bawk.

Serchhip District-ah hian Absentee Voters Senior Citizens (AVSC), kum 80 chunglam Vote nei In lama Vote thlak tur leh Absentee Voters in the Category of Persons with Disabilities (AVPD) In lama Vote thlak tur hi mi 174 an awm thu tunhnaia thuthar theh-darhtute a kawmna ah Mizoram CEO chuan a lo sawi tawh a. Heng te hi Serchhip Bial-ah mi 119 leh Tuikum Bial-ah mi 30 bakah Hrangturzo Bial-ah mi 25 te an ni.

Tarlan tawh angin tun tuma Mizoram-a Assembly Constituency 40-ah hian In lama vote thlak 'Home Voting' thei tur kum 80 chunglam leh Vohbik, an vaiin mi 2,092 an awm a, hetiang mi te tan hian tun thla ni 18 thleng khan Form 12D hmanga dilna thehluh theih niin Home Voting dil lo zingah Polling Station pan harsatna nei te chu thuneitu ten an buaipui dawn bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar