RO thutlukna kaltlangpui dawn

Lawngtlai East Bial-a ZPM Candidate tura hming pelut Dr. Lorrain Lalpekliana Chinzah Nomination File na a thil fel lo awm mah se, Returning Officer (RO) thutlukna kaltlangpui a ni dawn a, Dr. Lorrain-a Nomination Paper-ah amah proposed tu mi 10 zinga pakhatin hming a sign loh avangin nomination endik ni October 21, 2023 khan thutlukna siam theih a ni lo a. A tuk Oct. 22-ah Dr. Lorrain-a nomination paper hi endik leh niin RO chuana pawm sak a. Hethlai hian Lawng-tlai East Bial-a BJP Candidate NC. Muankima, INC Candidate H. Zothangliana leh MNF Candidate H. Biakzauva chuan niminpiah khan thuchhuah siamin, Returning Officer Abraham Berazi Khithie thil tih dana an lawm loh thu leh thuneitu sang zawka kal an tum thu an tarlang ve bawk a ni.

Hetihlai hian Election Commission of India chuan Dr. Lorrain Lalpekliana chungchang ah hian Mizoram Election Department-te chu he Bial-a Reurning Officer (RO) thu anga kal-tlangpui turin a rawn hriattir nia thudawn niin hei vang hian Dr. Lorrain-a hi a in Candidate thei dawn chiang ta a. He Bial-ah hian Candidate mi 4 an awm dawn ta a ni.