SVEEP Cycle Rally nei

MLA Inthlanpui lo awm turah Voter a tam thei ang berin Vote an thlak theih nana hmalakna SVEEP Cycle Rally chu nimin zing khan Aizawl Vanapa Hall kawt-ah neih a ni.

Kumin MLA inthlan atana hmalakna pakhat Mizoram Cycling Association leh Systematic Voters Educatipn and Electoral Participation (SVEEP) Aizawl District buatsaihin Cycle Rally hi Aizawl Vanapa Hall kawt atanga AMC Pisa, Thuampui thleng neih a ni a, mi 80 chuang an tel a ni. He Rally-ah hian Aizawl District Election Officer Nazuk Kumar chuan thu sawiin, India ram chu mipui rorelna democracy ram a nih angin, ram inrelbawlna chu mipui kutah a innghah thu leh chumi atana hmanrua chu vote thlak a nih thu a sawi a. Chu vote hlutna chu hre thar leha ram inrelbawlna atana kan mawhphurhna chu hlen theuh turin kalkhawmte chu a chah a ni.