ZPM Candidate ten VUC ruahmanna in thu an tiam

Kum 2023 MLA inthlanpui awm tura ZPM Candidate te rinawmna thutiam hun chu nizan hmasa khan Val Upa Council te ruahmanna in Aizawl a Dawrpui Multipurpose Centre-ah neih a ni.

ZPM Candidate-te rinawmna thutiam hunah hian VUC Chairman Lalfakzuala IAS (Rtd) chuan kum 2018-ah khan October 24-ah an Candidate-ten rinawmna thu an lo tiam tawh tih sawiin, “Zanin-a Candidate thutiamna hun hmangtute hian VUC hmaah thu an tiam mai a ni lova, ram mipui hmaah rinawmna thu an tiam avangin a pawimawh takzet a, hun hlimawm a nih rualin a pawimawh em avangin VUC-te chuan urhsun takin hun kan hmang a ni,” a ti bawk.

ZPM Candidate te hi ZPM in Kalphung thar mipui sawrkar, ram leh hnam damna, langtlang leh hlemhletna laka fihlim sawrkar siam a tum avangin Candidate an nih lai leh MLA an nih hunah pawh ZPM thuthlungte, Election Manifesto leh an thutiam vuan tlat turte; Mizoram People Forum (MPF) kaihhruaina leh Election Comission Model Code of Conduct zawm turte; ZPM Candidate an nih angin MLA-a thlantlin an nih chuan an chunga thuneitute thu chu engkimah zawm tur leh an dinhmun atana ruat apiang pawm turte; Chhungkhat laina leh midangte, tute pawh duhsakna bik laka inthiarfihlim turte; Pawl dang nena thawhho leh inzawm chungchangah te, nihna leh dinhmun chungchangah te ZPM thuneitute thutlukna apiang pawm tur leh an dinhmun avanga hamthatna siamchawp theih thildang reng renga inhnamhnawih lo turte in an intiam a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar