CM atana chhawpchhuah ah tha ber niin sawi

Congress Party Chief Spokesperson Ronald Sapa Tlau chuan Mizoram inthlanpui lo awm tura Party hrang hrangin Chief Minister ni thei tura an chhawpchhuah zingah Lalsawta chu a tha ber niin a sawi.

Nimin-a Azawl Press Club-a thuthar thehdarhtute a kawmna ah Congress thupuangtu chuan, tuna Chief Minister ni mek Zoramthanga chu ram tana inpe leh tha tak ni mah se, a thutiam tam tak a hlen tawk lo niin a sawi a. Lalduhoma pawh tun hma lama a thusawi thin tam tak chu tunhnaiah a danglam tih  sawiin, a bik takin thlai thar leina tur budget-a pawisa dah a tih pawh a sawi ri ngai tawh lo tih a sawi a. Mizoram Congress President Lalsawta chu thu sawi thiam tak ni ve lem lo mah se lemchan thiam pawh a ni chuang lo tih sawiin, tunlai Mizoram sum dinhmun chhe tak siamtha turin ani aia tha an awm chuang lo niin a sawi.