Candidate 64.4% ten vbc. 1 chunglam an nei

Mizoram Assembly Inthlanpui-a Candidate ten an affidavit an thehluh PTI-in a zirchianna ah Mizoram-a Candidate zinga zaa 64.4, candidate 174 zinga 112 te thil neih hlut zawng chu cheng vbc. 1 chunglam a ni.

Candidate zinga hausa ber, Aizawl North-III biala AAP Mizoram Candidate Andrew Lalremkima Pachuau thil neih hlut zawng chu cheng vbc. 68.93 niin Serchhip bial-a INC Candidate R. Vanlaltluanga chu hausa ber dawttu a ni a, a hausakna chu cheng vbc. 55.6 hu a ni a, Champhai North bial-a ZPM Candidate H Ginzalala chu pathumna niin, a hausakna chu cheng vbc 36.9 hu a ni a, an Affidavit-a an ziah danin, Candidate hausa zual 3 te sum lakluhna chu sumdawnna vek a ni. Serchhip bial-a Independent Candidate Ramhlun-Edena chu Candidate zinga rethei ber a ni a, a thil neih zawng zawng chu Rs. 1,500 hu a ni. Hmeichhe candidate 16 zingah Lunglei South biala INC Candidate Meriam L. Hrangchal chu a hausa ber a, a hausakna chu cheng vbc 18.63 hu a ni.

Tuichang biala MNF Candidate Tawnluia chu candidate zinga upa ber niin, kum 80 a ni a, Aizawl North-I leh Aizawl East-I a Independent Candidate, Lalruatfeli Hlawndo leh Tuirial bial-a BJP candidate F. Vanhmingthanga te chu kum 31 ve ve niin a naupang ber an ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar