Santosh Trophy-ah Mizoram an chak leh

Santosh Trophy khelh mekah Mizoram chuan nimin khan hnehna chang lehin Final Round luh beiseina an nei sang zel.

Nimin khan Santosh Trophy-ah Mizoram awmna Group 5 ten an Group Match hnuhnung ber khelin Mizoram hian Pondicherry chu 6-0 in an sawp a, Mizoram tan Lallawmkima chuan hattrick siamin goal thum a khung bakah Lalkhawpuimawia chuan goal hnih khungin Lalrinchhana chuan goal khat a khung bawk a. An Group-a inkhel dangah Services chuan Uttarakhand chu 4-1 in an hneh bawk a ni.

Heti hian an Group-ah Services chuan Match 5-a hnena chang veka point 15 hmuin Final Round an lut a, Mizoram in match 5-ah point 12 hmuin Uttarakhand hian point 9 an hmu bawk a, Pondicherry in point 4 hmuin Sikkim in point 3 leh DNH&DD chuan point khat an hmu bawk.

Santosh Trophy-ah hian Final Round thlengtu tur Arunachal Pradesh bakah nikum-a Finalist Karnataka leh Meghalaya te an tling sa bawk a, Group tina pakhatna- Goa, Delhi, Manipur, Assam, Maharashtra leh Services te tlingin Group tina pahnihna atangin point hmu sang pathum an tlang dawn bawk a, Mizoram hi an tlang ngei a beiseiawm bawk a ni.