NH. 54 Serchhip leh Keitum inkar kawng siam enfiah

Serchhip Sub-Hqrs. YMA hruaitute chuan Serchhip leh Keitum inkar NH. 54 siamthat hna thawh mek chu Inrinni khan a hmunah enin kawng chhe zual siamtha tura hnathawktute an ngenna bawhzui a nih dan te an thlir bawk.
Serchhip leh Keitum inkar NH. 54 hi laihzauh leh siamthat hna thawh mek a nih avangin kawng a chhe hle a, hei mai bakah hian lung te hal a nih thin avangin hun rei tak tak kawngpui dangin lirthei dan a ni thin a. Hetianga hun rei tak tak kawng dan a ni thin hi YMA hruaitute chuan tha lo an tih thu sawiin, chhun en lai chuan vawi khat ah darkar chanve aia rei kawng dang tawh lo turin helai hmuna hnathawktu SGI leh a enkawltu NHIDCL te chu an ngen a, hei hi Company lam chuan an zawm tur thu an sawi bawk a ni.

YMA hruaitute chuan ngenna an lo siam tawh anga kawng chhe zual thawmthat a ni chu lawmawm an tih thu pawh sawiin, he kawng hi YMA Inkhawmpui Lian Palai tam tak kaltlangna tur a nih avangin Palai kal tam ni, Vawiin leh naktuk ah chuan kawng dang zawnga hna thawk lo tur leh Palaite haw ni-ah pawh kawng kal tibuai thei zawnga Motor lian hna thawh tir lo turin an ngen a. Company hnathawh chu an vil zui zel tur thu an sawi bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man