MPCC President in hmanpui

MPCC President Lalsawta chuan nimin khan Lungdai Bazar-a Vantlang Inkhawm neih ah kan ram siam tura an rinchhan chu Pathian a nih thu sawiin, “Kan lama tang Pathian kan nei. Dik tak leh huai taka rorel turin min duh, a duh dana kan tih hian min tanpui ang tih pawh kan ring a, kan zam lo,” a ti a. Ram rorelna tha nei turin a reltu mi 40 an that a ngai tih pawh sawiin, “Mipui tha viau mah ila a reltu MLA an that loh a, a lu ber hming a hliau miau chuan rorelna tha kan nei ngai lovang,” tiin Sum-a lei theih sal neih hunlai a liam tawh thu leh sum-a lei theih kan nih loh thu a sawi bawk a ni.