BJP hun pe ve turin ngen

Union Minister Kiren Rijiju-a’n Mizoram tana kawl a ên theihna tur chu BJP a nih thu a sawi.

Mizoram Inthlanpui neih tura BJP tana Campaign mek Union Minister Kiren Rijiju chuan Mizo mipuite chu Mizoram in hma a sawn zawk theih nan leh sawrkar tha lehzual a neih theihna turin BJP chu hun pe ve turin a ngen a. India hmarchhak chu Prime Minister Narendra Modi-a’n kum 2014-a sawrkarna a chan hma kha chuan hma-sawnna lamah a hnufual hle a ni, a ti a. Sawrkar tha danglam tak Narendra Modi-a chuan rawn dinin, kum 9 leh a chanve kalta chhunga hma-sawnna hrang hrang tha tak tak a rawn thlen tak te tha lehzuala Mizoram-a tihhlawhtlin zel chu an hmachhawp a nih thu a sawi bawk.

Kiren Rijiju-a chuan hmasawnna ruhrel awm tha lo chu hmarchhak State-te hmasawnna daltu a nih thu sawiin, BJP sawrkarin inkalpawhna tur kawngpui a sial te, Rel kawng a duan mek te leh kawlphetha tam zawk tharchhuahna tur Project a tan mek te hmangin Mizoram in nasa takin hma a sawn thu a sawi a. Inthlanpui lo awm turah bial tam takah an chak a beisei thu sawiin, sawrkarna siam zinga an tel ngei a beisei thu a sawi a. BJP chu Mizorama sawrkar tha a pian theih nan leh hmasawnna tam tak a thlen theihnana mipuite tana thawk tur a nih thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man