Lenkawl

Mizoram sawrkar in Mizoram State Games a buatsaih tur atana inbuatsaihna hi ngawrh taka kalpui mek zel a ni.

Fisheries Minister, K. Lalrinliana chuan Sangha-a Mizoram a intodelh theih nan tih takzet a tanlak a tul thu a sawi.

Mizoram sawrkar-a Rubber and Allied Crops Development Board chu nimin khan an Chairman leh Land Resources, Soil & Water Conservation Minister, R. Lalzirliana hova thukhawmin SEDP hnuaia Board hma lak tum dan leh hmachhawp hrang hrangte thlirho a ni.

ZPM General Secretary, Phairothanga chuan sawrkar hnathawk te kut phuar phelh a ngai tih sawiin, “Kalphung thlak a ngai a ni,” a ti.

Rural Development Minister, Lalruatkima chuan nimin khan East Lungdar BDO Office a tlawh a, khawtlang hruaitute leh BDO staff-ten an lo dawngsawng a ni.

LPS Vision buatsaih LBS Suzuki Youth Icon thlanna neih mekah Top-20 a tling mi 29 te puan an ni ta a,an zingah hian Serchhip District atangin Lalramnghahmawii D/o K. Lalduhawma, Zote South; Lalnghakliana Hnamte S/o Lalchhan-hima, Mualcheng; Maria Lalmuanpuii D/o C. Lalengliana (L), Chhiahtlang; Lalbiakhlua S/o Liansanga, Serchhip Vengchung leh Angely Lalruatpuii D/o Remsangpuii, Chhingchhip te an la tel a. Heng mite hian naktuk leh naktip zan-ah intihsiakna an nei leh dawn a, Nov. 15, 2019 zan-ah result puanna neih nghal a ni ang.

Tunkar Ningani-a Children's Day lo thleng tur pualin ‘Children's Week 2019’ chu hman mek a ni a, nimin khan Serchhip-ah he Hapta pual hian Rally neih a nih bakah HIV/AIDS leh ruihhlo hmansual laka inven dan zirhona neih a ni.

Mizoram Journalist Association member mi 9 leh I&PR Official 3, Chennai leh Pudu-cherry a Press Study Tour nei turte chu Inrinni khan I&PR Minister, Lalruatkima chuan Aizawl-a I&PR Directorate kawt atangin a vailiam.

November ni 19-a World Toilet Day, New Delhi-a hmanna turah Serchhip District chu Swachh Survekshan Grameen-2019 Award dawng tur zingah a tel. India rama thingtlang khawfai inelna SSG-2019-ah hian tehna hrang hrang hmangin India rama thingtlang khua-te endik an ni a, Mizoram tanga SSG 2019 Award dawng tur District pathum thlanchhuah zingah Serchhip hi a tel a, Kolasib leh Aizawl District pawh SSG award dawng tur hian thlan an ni bawk.

Kum 20 kalta chhungin Serchhip District-ah kumtin ruahtui 1929.3 mm tla anga chhin-chhiah a ni a, Mizoram District hrang hrang zingah ruahtui tla tlem berna pawl a ni.