Lenkawl

Mizoram sawrkar chuan Lok Ayukta Chairman atan IAS Retd., C. Lalsawta a ruat.

Serchhip District Badminton Association chuan kum 2019-2021 chhunga an pawl hruaitu tur thlanna neiin President-ah John Zoram-mawia, P&E Veng, Sr. Vice President-ah CVL. Hruaia, Hmar Veng, Vice President-ah K. Laltlan-mawia, IOC Veng, General Secretary-ah Van-lalhruaia, Vengchung, Asst. Secretary-ah Albert Lalnunhlima, IOC Veng, Joint Secretary-ah J. Lalnunfela, Venglai leh Treasurer-ah Vanlalhma-ngaiha te thlan an ni.

Mizoram Board of School Education (MB-SE) hnuaia pawl 10, High School Leaving Certificate Exam chu niminpiah a\ang khan Mizoram hmun hrang hranga Exam Centre-ah te neih a ni a, tun thla ni 15-ah Theory Exam zovin ni 18 a\angin Practical Exam neih chhunzawm leh a ni anga, exam zawng zawng hi tun thla ni 23-ah zofel tura ruahman a ni.

Serchhip bialtu MLA, Lalduhoma chuan tunkar Ningani khan Serchhip District Hospital, JN Hospital Serchhip chu tlawhin damdawi In mamawh hrang hrangte a enkual a, thawktute nen inkawmna an nei bawk.

Serchhip-ah AH & Vety Department chuan mipuite leh ranvulhtute tan theihtawp chhuahin hma an la mek zel a, District chhung khaw hrang hranga ran te chiu vek an nih theih nan hma an la mek zel.

Mizote Kut pawimawh leh tun thlenga uar taka la hman, Chapchar Kut chu nimin khan Serchhip-ah uar taka hman a ni a. Serchhip District Bawrhsap, Sangchhin Chinzah chu Kut Nu niin Mizo Hnam lam leh zai hrang hrangte entir a ni.

MZP General Hqrs. chuan nimin khan Mizoram zalenna puanna a hming ziak te chawi-mawina hun an buatsaih.

MJA Serchhip District chuan niminpiah Feb. 28, 2019 khan SIRD Auditorium, Serchhip Tarpi Tlang-ah Annual Conference vawi 12-na hmangin he hun hi bialtu MLA, Lalduhoma chuan khuallian niin a hmanpui a. MJA General Hqrs. President, Zonunsanga Khiangte chuan Khualzahawm niin a hmanpui bawk.

Uar takin Kut i hmang ang u

PRISM Party chuan MLA-ten sawrkar hnathawkte ang thova pension kum an thlen hun chauha pension an lak tawhna tur Bill siamin nimin khan Assembly Speaker hnenah an thehlut.

Mizoram chhimlam zin Home Minister, Lalchamliana zuitu Motor pakhat chu nimin zing khan |awipui North bulah chesualin kawng-thlang lamah a tlanliam a, he motor-a chuang mi 5 zingah mi 3 chuan a hmunah nunna an chan.

Irrigation & Water Resources changtu Minister, C.Lalrinsanga chuan nimin khan Chief Engineer Committee Room, Irrigation & Water Resources Department Office, Aizawl-ah 'Mizoram State Water Policy-2019' chu a tlangzarh.

Health Minister Dr. R. Lalthangliana chuan Saitual in District thar an nei dawn tih sawiin, “Saitual hian District thar in neih dawn avangin ngaihngam takin lo awm ula, in mumang lamah te pawh lo mang lawk rawh u. Fu-ke kim neiin MNF Sawrkar thar hian District a pe dawn che u a ni tih lo chiang rawh u,” a ti.

Mizoram VC \ha berah Chiahpui VC thlan a ni Mizoram Village Council Conference 2019 chu nimin khan chhunzawma zawhfel a ni a, he hun hi Rural Development Minister, Lalruatkima chuan hmanpuiin Mizoram-a VC hna thawk \ha thlanna neiha pakhatna lawmman dawngtu Chiahpui VC, Champhai District hnenah lawmman hlan a ni bawk.

Department of Industrial Policy & Promotion, Govt of India leh Mizoram Sawrkar \angkawp in a buatsaih, 'Start-Up India Mizo-ram Yatra' chu nimin khan Transport Minister, TJ. Lalnuntluanga chuan hawngin Start-Up Yatra Van a vailiam nghal.

India hmarchhak huap lemchan leh lam khawmpui (Festival), 'North East Natya Sangam 2019' chu nimin khan Govt. T. Romana College Auditorium-ah neih \an a ni a, Agriculture Minister, C. Lalrinsanga chuan khuallian niin a hmanpui a ni.

MZP General Hqrs. hruaitute chuan nimin khan Law Minister, TJ. Lalnuntluanga chu a Pisa-ah kawmin Mizoram quota-a Technical course zir tur lak dan chungchanga Mizoram Chakma Students’ Union ten Gauhati High Court-a Mizoram sawrkar an khinnaa Mizote duhloh dana rorel a nih chungchang an sawipui a.

New Delhi a cham mek Mizoram Chief Minister, Zoramthanga chuan nimin chawhma khan Central Sawrkar-a Road Transport and Highways Minister, Nitin Gadkari chu a chenna banglow-ah hmuin Mizoram thil pawimawh a sawipui.

I&PR Minister, Lalruatkima chuan Union Home Ministry chuan Aizawl khawpui chhunga Assam Rifles-te May ni 31,2019 hmaa Zokhaw-sanga insawn fel vek turin a rawn ti ta tih a sawi.

Serchhip District chhunga Central sawrkar sum hmanga hmasawnna hnathawh hrang hrangte enkawltu Committee, Serchhip District Development Co-Ordination & Monitoring Committee chu nimin khan an Chairman Lok Sabha MP, CL. Ruala kaihhruaina hnuaiah an \hukhawm a, Serchhip bialtu MLA, Lalduhoma chuan he hun hi a telpui bawk a ni.