Lenkawl

Nimin October 1, 2018 khan khawvela Upate ni, International Senior Citizen Day anih angin Mizorama Upa Pawl (MUP) te chuan an Unit hrang hrangah hun an hmang.

Champhai MZP Hqrs. chuan sawrkar in Champhai District Hospital-a Eye Specialist a pek tak avang leh Ruh lam thiam Specialist remchang hmasa bera pe tura inremna an ziah theih tak avangin an nawrhna an titawp tih an sawi.

Nimin khan Mizoram Youth Commission (MYC) Chairman, Joseph Lalhimpuia MLA chuan Lunglei Super Market Annexe Building sakna tur lungphum a phum a, NLUP Sales Emporium a hawng bawk.

Nimin October 1 kha National Voluntary Blood Donation Day a ni a, Mizoram hmun hrang hrangah hman niin Serchhip-ah chuan Ni remchang ah hman tura ruahman a ni.

Mizoram Legislative Assembly inthlanpui lo awm tur thlirhoin, Peoples Representation for Identity and Status of Mizoram (PRISM) Party leh Zoram People’s Movement (ZPM) hotu lian te chu nimin khan Aijal Club-ah an inkhawm.

Mizoram sawrkar chuan nakum (2019) atana Mizoram sawrkar chawlh turte a tichhuak leh ta a. Ruahman ang chuan kumthar ah hian sawrkar Pisa chawlh ni 27 a awm ang.

Serchhip-a MUP Unit hrang hrang te chuan nimin khan Upa te Ni, International Day of Older Persons an hmang.

Health Minister, Lal Thanzara chuan nimin khan Mizoram Institute of Medical Education & Research, Falkawn-ah New Academic Block, Director’s Quarter leh Ladies & Gents Hostel thar sakna tur Lungphum a phum a.

Chief Minister, Lal Thanhawla chuan nimin khan Aizawl-a Lal Thanhawla Auditorium-ah NLUP hnuaia hmalakna thar 'Rain Garden & Mei Sipai Scheme' leh 'Chief Minister's Special Package (Medical Care)' chu a tlangzarh a, he hun hi NLUP Implementing Board Vice Chairman, JH. Ro\huama MLA chuan a kaihruai a ni.

 Inrinni khan ramchhung hmun hrang hrangah India Sipai ten Parakram Parv an hmang a, hei hi Line of Control-a Terrorist Launch Pad a Indian Army ten Surgical Strike an neih champha vawi 2-na a ni.

Serchhip District chhunga Hrangturzo Assembly Constituency huamchhunga Political Party leh MPF te chuan Inrinni khan East Lungdar-ah 'Political Party leh MPF Thawhhona Thu-thlung' leh Election Model Code of Conducts (MCC) zirhona an nei a.

Meghalaya hmunpui nei India hmarchhaka inzarpharh mek National People's Party (NPP) chu Mizoram-ah din a ni a. Inrinni khan NPP National President leh Meghalaya Chief Minister ni bawk Pu Conrad Sangma chuan Aijal Club-ah NPP din a nih thu hi a puang a ni.

Mizoram Chief Minister, Lal Thanhawla chuan Zirtawpni chawhnu khan Food Testing Laboratory thar chu Central Medical Store Building, Zemabawk-ah a hawng.

Tuichang Assembly Bialtu MLA, Lalrinliana Sailo chuan Zirtawpni leh Inrinni khan a bial chhunga hrang hrang tlawhin MLA a\anga a ban tur thu a hrilh a, bial mipuite thlahna hun a hmang nghal.

Tripura Bru Relief Camp 6-a awm Bru te lokir hun tur ruahmanna hnuhnung ber hun bituk chu nimin khan a tawp a, August ni 25 leh nimin inkarah chhungkaw 42 chiah Mizoram-ah an lo kir a. Hetihlai hian Tripura sawrkar chuan heng Camp hrang hranga \anpuina an pek \hin chu Vawiin a\ang hian tihtawp a nih dawn thu an sawi bawk.

MPCC President, Lal Thanhawla chuan, “Kan Policy hi mi khawsa theite tan a ni lo, mirethei te tan a ni,” a ti.

All Mizoram Farmers Union (AMFU) General Hqrs. buatsaihin nimin khan Aizawl-ah 'Kuthnathawktute Chhanchhuana Kawngzawh' neih a ni.

PHE Department hnuaia Communication & Capacity Development Unit buatsaihin nimin khan Serchhip-ah Tui intuar thianghlim neihna tur leh hriselna tura pawimawh hrang hrangte zirhona chu neih a ni.

Serchhip DIET te chuan India Hnampa, Mahatma Gandhi pianchamphaphak vawi 150-na puala buatsaih 'Nai Talim Week' denchhenin Faina hnatlang an nei a, he hnatlang hi Serchhip DIET Principal, Lalrammawia chuan hovin DIET a training lai te leh DIET-a thawktute nen Serchhip damdawi In leh a chhehvel-a bawlhhlawh awm te chhar faiin hnatlang hi an nei a ni.

Nimin khan khawvel pumah Ui ^ seh avanga natna dona Ni, World Rabies Day hman a ni a, Serchhip-ah pawh he Ni pual hian hun hman a ni.