Lenkawl

Serchhip District Addl. SP, Riadao Hlychho, MPS chuan thuchhuah siamin Election Commission of India in a phut angin kum 2018 MLA Inthlanpui lo awm turah silai tun tur a nih thu leh he hriattirna chhuah anih a\ang hian Serchhip District chhunga silai nei zawng zawng ten anmahni bialtu Police Station-ah Silai tun tur a nih thu a tarlang a. Hei hi Election Commission of India duh dan a nih avangin he hriattirna zawmlo te chungah a \ul anga action lak a nih tur thu pawh a tarlang bawk.

Tun thla ni 7 thleng awh tur khuarel chhiatna thleng thei laka inven dan leh chhanchhuah leh chhawmdawlna hna thawh dan inzirtirna, Community Awarness-cum-Demonstration chu nimin khan Serchhip DC Conference Hall-ah hawnna neih a ni a.

Mizoram NGO Co-Ordination Committee chuan Mamit DC Bhupesh Chaudhary, IAS chu a rang thei ang bera Mizoram chhuahsan tura an phut thu an sawi.

Nimin a Serchhip-a rawn kal Chief Minister leh bialtu MLA, Lal Thanhawla chuan nimin chawhnu khan Mizoram Rural Housing Scheme a\angin Serchhip RD Block huamchhunga chhungkaw 263 te hnenah In chung tur Rangva a semchhuak.

Cheng nuai 148.55 senga Serchhip Tarpi tlang-a District Pachayati Resource Centre (DPRC) building sak thar chu nimin khan Chief Minister, Lal Thanhawla chuan a hawng a, he Building hawn thar tak chu Village Council te bakah mipui ten \angkai taka an hman a beisei thu a sawi.

Serchhip District Anti-Tobacco Squad te chuan Inrinni zing khan Dan bawhchhiaa puipunna hmuna mei zu mi 2 an man.

Serchhip AOC Veng Welfare Committee (AWC) chuan Inrinni khan an dinchampha vawi 40-na, Ruby Jubilee chu ruai nen an lawm.

Assam leh Mizoram ramri chungchangah September ni 10, 2018 hmaa sawrkar hmalakna liantham a awm loh chuan MZP Gen. Hqrs. chuan Mizoram pumah kawngzawh a huaihawt dawn.

Serchhip ZPM Steering Committee chuan Operation Joshua hming vuahin Serchhip Constituency chhung Intin luhchhuak a ZPM-a tel ve (support) tura beihpui thlakna chu Inrinni (1st September 2018) a\ang khan an kalpui \an a, Operation Joshua hi September thla chhunga zawhfel hman tura ruahman a ni.

Prime Minister Narendra Modi chuan Inrinni tlai khan New Delhi-a Talkatora Stadium-ah India PostPayments Bank (IPPB) chu a hawng a. Hemi rual hian Serchhip-ah pawh IPPB Branch thar chu Serchhip District Addl. DC, Chuauhnuna chuan a hawng a ni.

Kan inhungbikna hriat reng a \ul

Pesbyterian Kohhran chuan nimin, August 31, 2018 khan Ramthar Ni an hmang. Mizoram-a Presbyterian Kohhran rawn dintu Rev. David Evan Jones (Zosaphluia) Mizorama rawngbawl tura a lo thlen ni, August 31 hi Mizoram Presbyterian Kohhran chuan Ni pawimawh bik ah an hmang \hin a. Kum 1972 Mizoram Synod Inkhawmpui chuan, Synod Ramthar Board rawtna angin Ramthar Ni hi hman relin kum 1973 a\ang khan Aug. 31 chu Ramthar Ni atan hman a ni a, he Ni ah hian thupui inang, ‘Pathian thu chu a darh a, a pung ta telh telh a’ tih chu zirho a ni.

 Zanin a\ang hian Mizoram-a Kohhran \hen-khat te chuan 'Beihrual Thla' an hmang \an leh dawn ta a, kumin hi Presbyterian Kohhran chuan 'Beihrual' a hman kum 100-na a tling dawn a, Kohhran mite urhsun taka hmang tura sawmin, programme pawh a bik taka duan a ni. Kum 1918-ah Champhai Hmunhmêl\ha khuaa Presby tery Inkhâwmpui chuan, kumtin September thlaa Beihrual neih an rêl tlu a, heta \ang hian kumtin hman niin kum 100 a tling ta a ni.

Serchhip Sub-Hqrs. YMA hruaitute chuan nimin khan District Civil Supply Officer, Rosang-mawia chu kawmin mipui ten ration buhfai buk tling ngeia an lak theihna tura hmalakna chung-chang an sawipui a. Tunhnaia he hmalakna kal zel avanga Serchhip-a Retailer pahnih ten banna an thehluh chungchang pawh thlenin, heng mite aiawh tur hi September thla chhunga Tender chhuah a nih tur thu leh tihfel nghal a nih tur thu a lo hrilh bawk a ni.

Tunhnaia Social Media \henkhata Serchhip Kudam a\anga Ration buhfai pekchhuah a chhia nia sawi chu Kudam-a thawk ten Buhfai \halo pekchhuah an neihloh thu an sawi.

Urban Development & Poverty Allevation Department chuan Swachh Bharat Mission (SBM) hmalakna kal zelah nimin khan Serchhip-a Auto Rickshaw 130 leh Aizawl leh Serchhip inkara tlan Maxi Cab Service 30 a dah turin bawlhhlawm bawmte (Mini Dust Bin) an sem.

MZP General Headquarters buatsaihin nimin khan Aizawl Vanapa Hall-ah Hnamdang nupui/pasal neilo tura inzirtirna neih a ni a. He hunah hian MZP President, L. Ramdinliana Renthlei chuan, "Kawppui nupui/pasal atana mahni hnam pui ngei te neih hi ram leh hnam humhalhna kawng pawimawh tak a ni," a ti.

Ailawng Branch YMA leh Mizoram Public Works Department( MPWD) te chuan Community Base Road Maintenance Contract Works atan nimin khan inremna ziakin he inremna ang hian Ailawng khaw kawng KM 12-a thui chu Ailawng YMA in kum khat an enkawl ang.

Jharkhand Legislative Assembly hnuaia Ethics & MLA Fund Monitoring Committee member-te chuan nimin khan Mizoram Governor, Kummanam Rajasekharan chu Aizawl-a a chenna, Raj Bhavan-ah hmuin inkawmna hun an nei.

Mizo Zaimi Inzawmkhawm (MZI) chuan nimin khan an dinchampha vawi 38-na an lawm a, MZI Hqrs. Serchhip pawhin he Ni pual hian nimin zing khan JN Hospital, Serchhip tlawhin damlo harsa ten a \ul anga an hman turin Poor Fund-ah pawisafai an pe a,