PMAY-HFA sawihona nei

Nimin khan Mamit-ah District Screening Committee on PMAY-HFA (Urban) chu an Chairman leh District Bawrhsap V.L Remliana hovin an thukhawm a, he huna tarlan a nih danin Mamit District-ah hian PMAY-HFA (Urban) dawng tura thlanchhuah mi 2017 awmin Gender avanga MIS a thunluh theih loh Mamit atangin mi 8 leh Zawlnuam atangin mi pakhat te chungchang sawiho a ni a. Heng mite hi an chhungte atanga thlak mai theih an nih chuan thlak remtih a ni a, chutiang mi ni lo leh hma la thei lo tura sawi mi 4 te chu paih mai nise an ti bawk.