Kumin ah Dengue vei 132 hmuh an ni tawh

Mizoram-ah kumin chhungin Khawsik natna chi khat, Dengue vei mi 132 hmuh a ni tawh a, Dengue vanga thi erawh an awm lo thung.

Health Department-a thawktute chuan Dengue natna chu khawvel ram 129-ah hmuh a ni tawh tih sawiin, kumtin a vei hi khawvelah tlukleh-dingawn 3.9 an awm tih an sawi a. Mizoram-ah chuan kum 2018 atang khan Dengue natna hi hmuh niin hri kai hi kum 2018-ah 68; kum 2019-ah 131; kum 2020-ah 67; kum 2021-ah 83; kum 2022-ah 1,868 leh nikum 2023-ah 2,060 hmuh a ni tih an sawi a. He natna thihpui hi 2022-ah mi panga leh kum 2023-ah pahnih an awm tih an sawi bawk.

Kumin ah pawh hian Dengue natna thlentu Thosi pian theihna tui tling tihbo a nih loh chuan kum hmasa lam ai hian Dengue natna vei hi an pung thei niin an sawi bawk.