Zirlaite tan kawng hawn sak

Govt. Khawzawl High School chuan lehkha thiam sawrkar hna hmuhloh avanga harsatna sutkian nan National Education Policy hnuaiah kum 2019 atang khan Vocational Education chu uar taka kalpuiin he Course hnuaiah hian Sector pahnih Automobile leh Apparel (Embroidery) te an hawng a. Heng Vocational Sector pahnih hnuaiah hian zirlaite motor khalh bakah motor chhe siam zirpui thin an ni a. Mipa zirlai tam zawk ten motor khalh hi an thiam tawh a, hmeichhe zirlaite tan pawh Driving Class siam a ni bawk. Hmeichhe zirlaite hi puanthui zirtir tel an ni a, zirna an chawlhsan hnuah pawh sawrkar hna ni kher lo eizawnna an neih theih beisei a ni tih School enkawltute chuan an sawi a ni.