Gas Pipeline phum meka hmalakna te sawipui

Chief Minister Lalduhoma chuan Indradanush Gas Grid Limited hotute chu nimin khan a Pisa-ah kawmin Gas Pipeline phum meka an hmalakna te a sawipui.

Chief Minister hova an inkawmna ah hian Indradanush Gas Grid Limited-a CEO Ajit Kumar Thakur leh a thawhpuite telin Hydrocarbon Vision, 2023 for NE India hnuaia hma an lak dan tlangpui an sawifiah a. Cheng vbc. 491 senga Panisagar atanga Aizawl Gas Pipeline thawh mek, Kilometer 127 a thui chu nakum March thla (March, 2025) a zawh hman tura tih a ni tih sawiin, Forest Clearance an neih fel a nih thu leh hna hi thawk mekin chak tak leh tluang taka an thawh zel theih nan Mizoram sawrkar puihna an mamawh thu te pawh an thlen nghal a. Tuna Gas Pipe an phum chhoh mek hian kum 25 chhung vel chu Mizoram mamawh a phuhru thei turah an ngai a, Bur hmanga Gas lak ai chuan a tlawm zawk hle a ni, an ti bawk.

Chief Minister chuan Indradanush Gas Grid Limited hotute chu an hnathawh te a hun taka an zawh theih nan sawrkar chuan a tulna apiang ah puih an inhuam tih a hrilh a. Aizawl an rawn thlen hnua mipuite hnena a semdarh lehna tur ruahmanna pawh chak taka kalpui turin a lo hrilh a ni.

Comments

Popular News (Last 30 Days)

LPG man bithliah thar