MPSC Chairman atan R. Lalramnghaka lalut

Mizoram Public Service Commission (MPSC) Chairman thar atan R. Lalramnghaka IAS (Rtd) chu nimin khan rinawmna thu tiam tira lakluh a ni.

MPSC Chairman thar lakluhna Inkhawm Raj Bhavan Durbar Hall-a neih ah hian Chief Secretary Dr. Renu Sharma chuan Warrant of Appointment a chhiar hmasa a. Hemi hnu hian Governor Dr. Hari Babu Kambhampati chuan R. Lalramnghaka IAS (Rtd) chu rinawmna thutiam (Oath of Office, Allegiance and Secrecy) chham tirin MPSC Chairman ni atan a lalut a ni.

MPSC Chairman lakluhna Inkhawmah hian Chief Minister Lalduhoma bakah Speaker Lalbiakzama, Home Minister K. Sapdanga leh Cabinet Minister te, Minister te, MLA te leh mi pawimawh dangte an tel hle a, Chief Minister hlui Zoramthanga pawh a tel bawk a ni.

MPSC Chairman thar R. Lalramghaka hi thiamna lamah B.Sc (Agri) niin kum 1991 khan Mizoram Civil Service (MCS) a zawm a, kum 2009 khan Indian Administrative Service (IAS, AGMUT Cadre-ah hlankai a ni bawk. Mizoram sawrkar hnuaiah mawhphurhna pawimawh tak tak chelh tawhin Secretary hna pawimawh tak tak a lo chelh tawh a, MPSC Chairman atana ruat a nih hma chiah hian Secretary, GAD leh PWD hna a chelh a ni.

R. Lalramnghaka hi September 09, 1965-a piang niin a nupui Vanlalliani leh a fate nen Aizawl Electric Veng-ah an cheng mek a, MPSC Chairman atana lakluh a nih atangin thla khatah Rs. 2,25,000 a hlawh bakah MPSC Chairman-in hamthatna dang a neihte a dawng thei dawn a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar