Ruihhlo do hmalakna sawiho

Ruihhlo Do Core Committee hnuaia Working Committee on Ruihhlo Do chu nimin khan Social Welfare Minister Lalrinpuii hovin SAD Conference Hall-ah an thukhawm a. He hunah hian District hrang hrang atangin kum hmasa lama an hmalak tawh dan ngaihthlak a nih bakah Police, Excise & Narcotics Department, Social Welfare & Tribal Affairs, Health Department (Drug Controller), Mizoram State AIDS Control Society (MSACS) leh Cental YMA te atangin an hmalakna ngaihthlak a ni bawk a. Hemi hnu hian ruihhlo dona kawngah chak zawka hmalak anih theih nan tul leh pawimawh hrang hrang nia an hriat te sawiin, hmalakna tur atana ruahmanna an lo siam te chu Vawiin-a Chief Minister hova Ruihhlo Do Core Committee thutkhawm ah thlen leh tur a ni dawn a ni.