Industrial Growth Centre, Luangmual an tlawh

Power & Electricity Departmnent changtu Minister F. Rodingliana chuan Inrinni khan Industrial Growth Centre, Luangmual a kawlphetha pekna tihchangtlun dan tur a hmunah kalin a en.

P&E Minister hian Industry dinna hmunpui Industrial Growth Centre, Luangmual-in chhumlo chat lova eng an dawn theihnan Luangmual Power Sub-Station atanga a bika eng pekna tur, ‘Dedicated Power Line’ siam dan tur P&E Department hotute ruahmanna siampuiin Luangmual leh Chawnpui Power Sub-Station pawh a tlawh nghal a, heng Sub-Station ten a chawm Veng hrang hrangte hnena kawlphetha tha zawka pek dan tur leh Sub-Station ti hchangtlun dan turte a hmunah a en nghal bawk a ni.

Commerce & Industries changtu ni bawk F. Rodingliana ho hian Agriculture MinisterPC. Vanlalruata leh Adviser to Chief Minister TBC. Lalvenchhunga leh KC. Lalmalsawmzauva te chuan Inrinni vek khan Industrial Growth Centre, Luangmual-a Aieng sawngbawlna (Turmeric Processing Plant) siamna hmun buatsaih mek chu an en bawk a. Aieng sawngbawlna hmun siamna tur 2000sqm a zau hmunhma siam mek te thlirho in, chak zawka hmalak dan tur an sawiho a, Power sang tak mamawh Luangmual Sub-Station atanga lak dan tur leh Transformer bunna tur hmunhma te an enho nghal a. Industrial Growth Centre Luangmual ram chhung hmun hrang hranga hmasawnna hna thawh mek leh Industry din mek thenkhatte an tlawh nghal bawk.

F. Rodingliana hian a Department enkawl Printing & Stationery Department Stationery Godown, Luangmual a mi chu Controller, P&S Department nen an tlawh nghal bawk a, Department Godown rei tak hman tangkai tawhlo a awm chu hman tangkai dan tur leh thawmthat dan turte an en nghal a ni.