Mount Everest lawnna thuamhnaw Museum-ah

Mizo zinga Mount Everest lawn chhuak hmasa ber David Zohmangaiha thuamhnaw leh bungraw ttenkhat chu Kolasib Diakkawn Branch YMA Museum-ah dah a ni dawn.

   Mt Everester David Zohmangaiha hian Mount Everest a lawn chhuah tuma a thuamhnaw leh hmanraw thenkhat te a hlan tih Diakkawn Branch YMA President Joseph C. Lalhmangaihzuala chuan sawiin, tuna a pek te hi a pek hmasak ber anih thu leh Mount Everest a lawnchhuah ni May ni 18-ah kumtin midang tana thil tha ti-a thisen a pek thin thu a sawi a ni.

    David Zohmangaiha chuan, Mt.Everest lawn chhuak turin tum thum inthuamna thlak a ngaih thu sawiin, tuna Diakkawn YMA Museum a dah tura a pek tak te hi tlang chhip thlen hma Metre 5000-a sang a lawn laia a thuamhnaw hak anih thu a sawi a. Khawvela Tlang sang ber, Mizote zinga lawn chhuak hmasa ber ni tur hian May ni 18, 2013 zing dar 5:30 khan Mount Everest- metre 8848 a sang chu David Zohmangaih hian a lawn chhuak a ni.

David Zohmangaih hi a nupui Lalrinchhungi leh a fate 4 nen Aizawl Republic Mual Veng-ah an khawsa mek a ni.