Sept. 10 hmaa ramri chungchanga hmalakna lian a awmloh chuan MZP in kawngzawh an tum

Assam leh Mizoram ramri chungchangah September ni 10, 2018 hmaa sawrkar hmalakna liantham a awm loh chuan MZP Gen. Hqrs. chuan Mizoram pumah kawngzawh a huaihawt dawn.

MZP Gen. Hqrs hruaitute hian Inrinni khan Aizawl Press Club-ah chanchinbumite kawmin Assam ramri chungchanga an hmalakna kal mek leh hmachhawp te sawipuiin, MZP President L. Ramdinliana Renthlei chuan Mizoram leh Assam ramri chungchanga MZP hmalakna leh Mizoram sawrkar hmalakna chu ngun taka an thlir reng thu a sawi a, Assam leh Mizoram ramri chungchanga Mizo \halaiten nunna chan pawh huama an hmalakna chhunzawm lova ngawihbo san-a a awm mai tur chu hriatthiam har an tih thu a sawi a. Assam leh Mizoram ramri chungchanga Mizo \halaite hmalakna chak zawka kalpui turin MZP chuan Mizoram sawkar a ngen nawn leh tih sawiin, hmalakna lian tham a awm loh chuan tun thla ni 12-ah MZP Gen. Hqrs. huaihawtin Mizo \halai ten Mizoram pumah sawrkar duhkhawp lohna lantirna’n kawng zawh huaihawt an tum a, hemi hnu pawha sawrkar hmalakna a la awm lo zel a nih chuan a \ul ang angin hma an lak chhunzawm dawn thu sawiin, ramri a buaina a thlen hnua sawrkar hmalakna chu lungawithlak loh an tih thu an sawi bawk.

MZP President chuan Mizoram sawrkar Congress Legislature Party (CLP) in a lo rel tawh angin Bairabi Zophai hmunah Zofate chawhbuk sak thuai anih theih nana hma la turin Mizoram sawrkar an phut thu a sawi bawk a. MZP hruaitute chuan ramri chungchang ngaihtuah tura sawrkarin a din Assam leh Mizoram ramri Committee sang, Core Committee din a nih thu pawh sawiin, he Committee-ah hian MZP pawh telh an nih thu leh, Core Committee hi July 2018 ralhma in report kimchang Chief Minister hnenah thehluh tur a tih an nih laiin Core Committee hi hna a thawk chak lo hle tih sawiin, hmalakna mumal engmah a neih loh thu leh report pek hun tura a tih chhung pawhin report a thehluh hman tak loh avangin he Committee hi MZP chuan an rin zawh loh thu leh Core Committee a\ang hian MZP chu a inhnukdawk tawh tih an sawi bawk.