Serchhip-a Auto Rickshaw leh Maxi Cab a dah tur Bawlhhlawh bawm te chi sem a ni

Urban Development & Poverty Allevation Department chuan Swachh Bharat Mission (SBM) hmalakna kal zelah nimin khan Serchhip-a Auto Rickshaw 130 leh Aizawl leh Serchhip inkara tlan Maxi Cab Service 30 a dah turin bawlhhlawm bawmte (Mini Dust Bin) an sem.
Heng Bawlhhlawh bawm semna puala inkhawm tawi Serchhip Bazar Auto Rickshaw Stand-a neih chu District Manager, Grace Lalrinfeli chuan kaihruaiin he hunah hian District Urban Development Officer (DUDO), Vanthangpuii chuan, ram changkang tehna pawimawh tak chu faina a ni tih sawiin, Sawrkar laipui pawhin faina kawnga hma kan sawn theih nan Swachh Bharat Mission chu chak takin a kalpui mek zel a, Serchhip khawpui pawh midangte entawntlak khawpui fai kan nih theih nan ami chengten mawhphurhna kan nei a ni, a ti a. Auto Rickshaw leh Maxi Cab-a chuang \hin ten motor a\anga bawlhhlawh paih chhuak mai lovin, bawlhhlawh bawm an dahte hmang \angkai \hin turin a chah a, bawlhhlawh bawm hi a sem nghal a ni.
He hunah hian Serchhip DIPRO, K. Saitluanga pawhin Mizoram khawpui hrang hrangte Faina lama inelna neih mek a nih thu sawiin, kum hmasa lamah Serchhip District in District 8 zing-a 6-na dinhmun a hauh chu a lungawi thlakloh tih sawiin, kumin ah nasa taka \an lain karleh maiah endikna neih leh a nih dawn thu a sawi a. Lawmman dawng tur chauh ni lova fai a \ul zia inzirtir \hin ni mah ila, endikna neih a nih dawn meuh ah chuan nasa lehzuala \anlak a \ul thu a sawi bawk. He hunah hian DIPRO hian zial zu miten hnawmhnawk an neih \hin te paihna tur thir bawlhhlawh bawm 10 chu Mizoram Upa Pawl (MUP) hruaitute hnenah a hlan a, Upa Pawl member te hian heng meizial bung paihna tur bawlhhlawh bawmte hi Serchhip khawchhung hmun hrang hrangah an hung chhuak nghal a ni.
Nimin-a he hun hmanna ah hian Serchhip-a Auto Rickshaw khawlhtute bakah Serchhip Bazar leh a chhehvel thenfai hnatlang neiha thawk Mizoram Upa Pawl (MUP) Serchhip Kawn Unit te an tel a. MUP member te hian niminkhan hnatlang neiin Serchhip khawpui lunlai, Serchhip Bazar leh a chhehvel thenfai hna hi thawkin he hunah hian MUP member \hahnem tak an thawkchhuak a ni.

Popular posts from this blog

PAN CARD an tih teh fo hi - Laldinpuia