YLA ten hmanraw tha lo hman an hmuchhuak

Lawngtlai paltlangtu kawngpui, National Highway sial hna thawh mekah hmanraw tha lo hman a awm nual niin Central YLA chuan an sawi.

Central YLA te hian Lawngtlai palangtu National Highway siam hna thawh mekah hmanraw tha lo hman a tam tih Young Lai Association Branch ten Central Young Lai Association (CYLA) hnena an thlen bawhzuiin Inrinni khan Thingkah leh Kawlchaw inkara hnathawh thenkhatte chu Central YLA Kumpuan Committee hruaituten a hmunah an enfiah a, hmanraw tha lo hman an hmuchhuak nual tih an sawi a. Heng hnathawh an enfiahna ah hian Central YLA Kumpuan Committee hi an Chairman, Central YLA Vice President F. Lalrothanga chuan hovin kawng sialtu Company, NHIDCL hotute leh an hnuaia thawk PMPL leh ABCI hotute pawh telin, a bikin Thirhrui hmanga lungfun khawmah lung tha leh lung chhia chawhpawlh a awm nual tih an sawi a, heng hi thiata hmanraw tha chauh hmang turin hnathawktute an ngen a; kum tam tak chhung Mizoram chhim lamin kawngchhia vanga harsatna an tawh hnuah kawngpui thain a pawh tan chu an lawm viau laiin hmanraw tha lo hman a ni chu hriatthiam har an tih thu an sawi a ni. Hemi hmalam tun thla tur khan Lawngtlai AOC Veng Branch YLA chuan an huamchhunga kawngpui siam hnathawhte an enfiahnaah hnathawktuten lung chhia an hmang nasa tih an lo hmuchhuak tawh bawk a ni.