Monday, 3 September 2018

Kan inhungbikna hriat reng a \ul

Kan inhungbikna hriat reng a \ul

Mizo Zirlai Pawl (MZP) chuan kum 2015 a\ang khan Sept. 2-ah zirlaite tan nupui/pasal a hnamdang nei lo tura inzirtirna Ni an hmang \hin a, kumin ah pawh he Ni pual hian Zir-tawpni khan Inrinni khan hun hman niin he hunah hian MZP General Hqrs. President chuan, "Hnamdang nupui pasal-a neite chu Mizo hnam phatsantu leh ram leilung fate chanvo chuhpui thei a hnamdang siamtute an nih avangin, Mizo zirlaite leh \halaite chu mahni hnampui te ngei nupui pasal atana nei turin ka sawm che u a ni," a ti a. Hetianga kan Zirlai pawl ten \halai, a bikin zirlaite a\anga inzirtirna an kalpui hi thil lawmawm tak a ni.
Mizo Hnam Dan (Mizo Customary Law) Chang 74 Ah chuan 'Mizo mipa-in hnamdang nupui-a a neih chuan Mizo Dan angin engkim a kal \hin. Anmahni inkarah intiamna bik neih pawh lo duh sela, roluah thu leh fate thu-ah Mizo Hnam Dan kalhin a ti thei lo. Mizo hmei-chhia in hnamdang pasala a neih chuan hnam-dang chhungkuaah a luta ngaih a ni,' tih ziak a ni a. Hemi awmzia chu Mizo mipa in hnam-dang a neih chuan a nupui chu Mizo-ah a hruailut tihna niin Mizo Hmeichhia in hnamdang a nei a nih erawh chuan Mizo a nihna tlansanin hnamdang nihna a nei ta tihna a ni thei ang.
Amaherawh chu tun dinhmun ah chuan Mizo hmeichhia te hian hnamdang pawh nei se Mizoram-ah an awm anih chuan engmah danglamna em em a nei hran lo a, hei hi kan Dan kan hriatchian loh vang leh nakin-a har-satna kan la tawh theih te kan hriatloh vang a ni thei. A bik takin Mizote hi Tribal niin hei hian duhsakna tam tak a kengtel a, heng kan ham\hatna te hi hnamdang ten min chuhpui lohna turin kan inhungbikna hi mitin te hian kan hriat reng a pawimawh hle a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...