Wednesday, 5 September 2018

NGO in Mamit DC chhuah phut

Mizoram NGO Co-Ordination Committee chuan Mamit DC Bhupesh Chaudhary, IAS chu a rang thei ang bera Mizoram chhuahsan tura an phut thu an sawi.
Mizoram-a tlawmngai pawl hrang hrang- YMA, MUP, MHIP, MZP, MSU te telna NGO Co-Ordination Committee hi nimin khan Aizawl-ah \hukhawmin Tripura Transit Camp a\anga Mizoram khua leh tui dik tak Tuikuk te Mizorama hruailet leh tura Sawrkar hmalakna kal mek chu hlawhtling taka hlenchhuah a nih theih nan hma latu zawng zawngte an beisei thu an sawi a. Sawrkar laipui, Tripura Sawrkar, Mizo-ram Sawrkar leh MBDPF ten kumin July 3-a New Delhi-a inremna an lo ziah ang ngeiin, Sawrkar huntiam, Sept. 30, 2018 thleng hian Mizoram a\anga Tripura-a chhuk Tuikuk te leh an thlah kalzelte chu lo let ngei turin NGO Co-Ordination Committee chuan a beisei tih an sawi a.
Hetihlai hian Election kaihhnawih reng reng, Repatriation tih zawh hma a Tripura Transit Camp-a neih rih loh ni se tia NGO Co-Ordination Committee-in a lo rel tawh leh ngenna a lo siam tawh palzut a Mamit DC-in Electoral Roll Revision Tripura Transit Camp-a a kal luihpui chu NGO Co-Ordination Committee chu an dem thu tarlangin, Zoram mipuite aiawh NGO Co-Ordination Committee thuchhuak zahlohna ah an ngai tih an sawi a. He thil a mawhphurtu Mamit DC, Bhupesh Chaudhary, IAS chu a rang thei ang ber a Mizoram chhuahsan nghal tura an phut thu an sawi bawk.
Hei bakah hian NGO Co-Ordination Committee chuan kan hma lawka inthlanpui neih turah pawh kum 2014-a Election Commission of India-in alo tiam tawh ang ngeiin, Tuikuk Tripura Transit Camp a\anga Mizoram a let kim hman lo vote thlak turte an la awm a nih pawhin, Mizoram-a an awmna Polling Station leh Polling Booth \heuhah vote thlak tir an nih ngei theih nan hma la turin Election Commision of India official-te pawh an ngen thu an sawi bawk.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...