AMC in lei laih khapna siam

Aizawl Municipal Corporation (AMC) chuan Fur ruahtui tam lai, August ni 1 atanga October ni 31 chhungin AMC huamchhungah lei laih leh leivung hmanga ruam/kawr chhun a khap. AMC chuan Furpui laia lei laih hian chhiatna, nunna hial chan theihna thlen thei a ni tih tarlangin, kan lo him zawk nan he thupek hi zawm theuh turin mipuite a ngen a ni. Thupek zawmlo te chu Section 153 leh 157-A of the Mizoram Municipalities Act 2007, AMC (Site Development & Slope Modification) Regulations, 2017 leh AMC SWM Bye-laws 2019 hmanga hrem theih a nih thu pawh AMC hian a tarlang tel a ni.