AWC kum 40-na lawm

Serchhip AOC Veng Welfare Committee (AWC) chuan Inrinni khan an dinchampha vawi 40-na, Ruby Jubilee chu ruai nen an lawm.

AWC kum 40 tlin lawmna hi Midland M/S Serchhip-ah neih niin an President, H.Lalmuanthanga chuan a kaihruai a, Salvation Army CO, Lt. Lal-hruaitluanga chuan hunserh hmangin Secretary, Zosangliana hnen a\angin an pawl hmalakna leh kum 40 chhunga an dinhmun hrang hrang ngaih-thlak a nih bakah an Member boral tawh te sunna hun hman a ni bawk. Hei bakah hian an huamchhunga kum upa mi 26 te chawimawina hun pawh hmangin an pawl dintute zing a\angin R. Thanchunga leh Thangbuaia ten thu an sawi bakah hruaitu lo ni tawh midangte hnen a\angin thusawi ngaihthlak a ni bawk.

AWC Ruby Jubilee lawmna ah hian chawhnu lamah Variety Programme hman niin zaithiam chi hrang hrang zai ngiahthlak a nih bakah item hrang hrangh thlirho a ni bawk a, tlai lamah Jubilee lawmna ruai kilho nghal a ni.

AOC Veng Welfare Committee hi September 1, 1978 khan din niin an President hmasa ber chu R. Thanchuanga a ni a, tunah hian an huamchhung ah hian chhungkua 121 awmin mihring 653 an cheng mek a, AWC hi Serchhip-a Welfare Committee ding hmasa ber te zing ami niin Thupui atan ‘Lungrual hi Tangka sum aiin a hlu zawk’ tih an hmang bawk a ni.