Ailawng khua in kawng enkawl dawn

Ailawng Branch YMA leh Mizoram Public Works Department( MPWD) te chuan Community Base Road Maintenance Contract Works atan nimin khan inremna ziakin he inremna ang hian Ailawng khaw kawng KM 12-a thui chu Ailawng YMA in kum khat an enkawl ang.

Khuangchera Hall Ailawng-a he inremna ziahna ah hian bialtu MLA leh ZIDCO Chairman, Lalrobiaka chuan kawng enkawlna ah a khawtual mite an tel thei tur chu thil lawmawm tak, a kawngzawhtu te tan thleng pawha neitu riltu pe theitu tura hmalakna, ram changkang zawkah pawh hlawhtling taka an kalpui mek a ni, a ti.

Nimin a he hun hmanna ah hian David Sapzova, Sr. EE, PWD, Road South leh Ailawng khawtlang aiawhin Zoramthanga, President, Ailawng Branch YMA ten thawhhona thuthlung, Community Base Road Maintenance Contract Works hi an ziak a. He inremna ang chuan Ailawng Branch YMA te hian Tlawng Lei a\anga Ailawng khaw hmawr, Reiek khua te nena an inrina lai, Lunghmul Lui inkar kawngpui, KM 12 a thui chu Vawiin, september 1, 2018 a\anga kumkhat chhung enkawlin kawng enkawlna atan KM 1-a thui zelah Rs. 40,000/- zel dawngin an vil dawn a. Ailawng Branch YMA hnathawh tur kawngpui thawm \hat hian, kawngkhuar hnawh rual, tuihawk luankawr thenfai, kawngsir tawn tawna hnawmhnawh thenfai leh kawngpui dung humhalh te thlengin a huam dawn a ni. He inremna thuthlung ziah a nih hnu hian bialtu MLA, Lalrobiaka hian MLA Fund Rs. 2,00,000/- senga sak, YMA In chu Aizawl-ah hian a hawng nghal bawk a ni.