Mizoram Rural Housing Scheme kaltlangin Chief Minister in Rangva a semchhuak

Nimin a Serchhip-a rawn kal Chief Minister leh bialtu MLA, Lal Thanhawla chuan nimin chawhnu khan Mizoram Rural Housing Scheme a\angin Serchhip RD Block huamchhunga chhungkaw 263 te hnenah In chung tur Rangva a semchhuak.

Nimin a DPRC Auditorium, Serchhip Tarpi Tlang-a Rangva semna hunah hian Chief Minister, Lal Thanhawla chuan kum 1989 chho a\angin sawrkar chuan a mamawhtu, rahbi tuk sak ngai chhungkuate hnenah rangva a lo sem \an tawh tih sawiin, “Vawiin thlengin chu \anpuina chu he sawrkar hian a la kalpui zel a ni,” a ti a. Heng \anpuina te hi an sem ve ringawt a ni hran lo tih sawiin, a mamawhtu, rahbi tuk sak ngai tak nia an hriatte an \anpuiin an tuamhlawm \hin zawk tih a sawi a. Hman a\anga vawiin thlenga heng an in\anpuina te dik taka hmangtute hi chu an awhawm tlang viau tih pawh sawiin, mi tam tak, mahni ta ngei ngei pawh eiru duh an awm \hin chu a pawi \hin hle tih a sawi a. Tun \uma Rural Housing Scheme 2017-18 a\anga Rangva dawngtute pawhin a nihna ang taka hmanga, \angkai taka hmang turin a chah bawk.

Nimin-a Rural Housing Scheme Rangva semna inkhawm hi Serchhip BDO, Vanlalhmachhuana, MCS chuan a kaihruai a. He Scheme hnuaiah hian 2017-18 ah Serchhip Block huamchhung Village Council 39 a\angin chhungkaw 263 ten Rangva Bundle 4 \heuh, a vaiin Bundle 1052 an pek chhuah a nih thu a sawi a. Chutihlaiin a Scheme hian a dawngtu turte chu 10% lo tum ve tura a phut angin a dawngtute hian Rs. 1920/- \heuh an lo thawh ve a \ul thu a tarlang bawk. Serchhip BDO chuan, kumin June thlaa khan CM Rural Housing Scheme a\angin Serchhip RD Block chhungah chhungkaw 160 te chu In sak \anpuina Rs. 50,000/- \heuh pek an lo ni tawh tih sawiin, tun \umah hian Mizoram Rural Housing Scheme a\angin Serchhip Block ah chhungkaw 263 te rangva pek an ni leh a, Serchhip Block chu a vanneih ber leh \anpuina dawngtu an tam ber a nih thu sawiin, Chief Minister chungah lawmthu a sawi bawk.

Nimin a he hun hmanna ah hian Chief Minister hian he hun bika Rangva dawng tura thlan chhungkaw pathum (3) hnenah Rangva hi a hlan a, midangte chuan BDO Serchhip Office a\angin an lachhuak zui ve tawh dawn a ni.