District Council ten hri dona kawngah hma la
Lai Autonomous District Council (LADC) huamchhunga cheng mipuiin COVID-19 hri leng vanga harsatna an tawh chhoh mek leh an la hmachhawn turah LADC sawrkar chuan Buhfai lei khawl tumin hma a la mek.
Posts
Sub-Hqrs. YMA in ramri a Duty tan hlan leh dawn
Serchhip Sub-Hqrs. YMA chuan COVID-19 avanga ramri hrula Duty te tanpuina atana Town Branch hrang hranga Bawm an hun atanga an sum hmuh te an semchhuah hnuah Keitum Kawn Veng atangin Rs. 31,000/-; Lungpho Branch YMA atangin Rs. 10,000/- leh Vanchengte VLTF atangin Rs. 10,000/- an dawng leh tih sawiin, heng te hi Myanmar ramri hrula Duty ten a tul anga an hman turin Champhai Sub-Hqrs. YMA kutah hlan nise an ti a. Hetianga ramri a Duty te tana tanpuina petute zawng zawng chungah lawmthu an sawi bawk.
Vanchengte VLTF in ramri-a duty tan Rs. 10,000/- hlan :
Serchhip Sub-Hqrs. YMA huamchhunga awm, Van-chengte khua a Village Level Task Force te chuan COVID-19 dona atana Mizoram ramri hrul-a Duty te tanpui nan Serchhip Sub-Hqrs. YMA hnenah Rs. 10,000/- an hlan a, Vanchengte VLTF Chairman, C. Lalzawnga chuan Serchhip Sub-Hqrs. YMA President, R. Sanghming-thanga hnenah he sum hi nimin khan a hlan a ni. Vanchengte khua hi In 26 awmna khua niin Electoral Roll thar berah pawh Vote nei thei mi 85 chiah an awm a, Serchhip Sub-Hqrs. YMA in tunhnaia COVID-19 dona atana ramri-a Duty te tana Bawm an hun ah khan Vanchengte Branch YMA chuan Rs. 4295/- an lo hlan tawh bawk a ni.
VLTF te hnenah chawhmeh sem
Serchhip Zawlpui Phai-a Thlasik thlai chingtu, Serchhip Agriculture & Horticulture Cooperative Society te chuan Lockdown kalpui mek avanga Serchhip khawpui chhunga chawhmeh leina harsa te tan nimin khan Village Level Task Force (VLTF) 10 te hnenah Zikhlum, Zikhlum Chang chawr, Bawk-bawn, Tomato leh Anthur thahnem tak an sem a, VLTF ten anmahni huamchhung theuhah an lo sem leh dawn a ni. He Society hian Vawiin hian Aizawl-ah Chawhmeh Trip khat (1) chu a mamawh apiangte hnena sem turin an phurthla leh dawn bawk a ni.
India-ah COVID-19 kai hmuhchhuah awm belh zel
Ramchhung ah COVID-19 kai hmuhchhuah an pung zel a, he natna kai enkawl dam leh thihpui pawh an pung ve zel.
Ramri hrul-a Gas harsatna ah IOCL in hma an la
Indian Oil Corporation Ltd. (IOCL) chuan Mizoram hmarthlang lam hnaih a khawsa ten eirawngbawlna Gas-a harsatna an tawh sutkian a nih theih nan hma an la mek.
Sial vulhtute harsatna a hmunah enpui
Tunhnaia Sailulak leh Samthang khuaa Sial vulhtute harsatna chu AH&Vety Department hotute chuan a hmunah enpuiin, an mamawh hrang hrang an pe.
Kolasib District tlawh chhunzawm
Rural Development Minister, Lalruatkima leh Serlui bialtu MLA, Lalrinsanga Ralte te chuan nimin khan Kolasib District chhung fang chhunzawm lehin Vairengte-a COVID-19 Screening Point, North Chhimluang, Bilkhawthlir, Phaisen, Buhchangphai, Bukvannei, Saihapui 'K' leh Rengte-kawn te an tlawh.
Tunhnaiah Thli leh Rial avanga chhiatna thlengah chenna In chhe zawng zawng 795 a tling
Tunhnaia Thli leh rial thawk khan Mizoram District 9-a khaw 58 ah chenna In 795 a tichhia a. Heng zinga In 46 te chu thawmthat ngaihna awm lova chhe vek niin a bak In 749 te chu thawmthat theih a ni thung.