Sial vulhtute harsatna a hmunah enpui

Tunhnaia Sailulak leh Samthang khuaa Sial vulhtute harsatna chu AH&Vety Department hotute chuan a hmunah enpuiin, an mamawh hrang hrang an pe.

Tunhnaiah Serchhip District chhung Sailulak khuaa Se no 14 chu Chinghnia ten sehhlum sakin a pui pathum (3) an hliam a, hei bakah hian Champhai District chhung Samthang khua ah pawh Se no 19 chu Chinghnia hian seh sakin an eizawh sak vek tawh bawk a. Heng avanga harsatna an tawh te enpui tur hian AH&Vety Department chuan tunkar Thawhlehni khan Dr. Lalchungnunga Pudaite, Joint Director leh Veterinary Doctor chu Sailulak leh Samthang-ah hian tirin Sailulak Sevulh Association leh Samthang Zopui Sevulh Association te hnenah hian an mamawh Barbed Wire roll 50, Chi bag 10, Rain suit 6 leh Search light 5 ve ve an pe a. Hei bakah hian Chinghnia in Samthang Sevulhtute Sial 19 zet leh Sailulak Sialvulh Association te Sial 14 zet a sehhlum sak chu Rs. 10,000/- ve ve in a ral bawk a. Serchhip DVO leh Champhai DVO Staff ten an tawiawm a ni.