Ramri hrul-a Gas harsatna ah IOCL in hma an la

Indian Oil Corporation Ltd. (IOCL) chuan Mizoram hmarthlang lam hnaih a khawsa ten eirawngbawlna Gas-a harsatna an tawh sutkian a nih theih nan hma an la mek.

Mizoram hmarthlang lam ramri dep a awm- Zawlnuam, Bungthuam, Kanhmun leh an chhehvela khaw tenau awm te hian remchan zawkna avangin Tripura lam, Damcherra-a M/S Om Indane Gramin Vitrak atangin LPG Connection an nei a, amaherawhchu, COVID-19 avanga Lockdown puan anih avang leh Inter-State movement tihtawp a lo nih tak avangin Kanhmun lam atangin Gas an la thei ta lova, he an harsatna hi District Magistrate, Mamit-in hriain Gas pek dan tur chu Supply Department hotute nen ruahmanna an siam a Tripura-a Gas Agency, M/S Om Indane Gramin Vitrak hian Kanhmun thlang, Medily-ah Assam State kaltlangin tunhnai khan Gas bur 324 chu mipuite tan an semchhuak thei ta a ni.