Lenkawl

Mizoram-a tlawmngai pawl hrang hrangte telna, NGO Co-Ordination Committee chuan Nov. 6 leh 7-a Hnam Chhan Hnatlang neih zawh taka NGO te thilphut a hlawhtlinna atana thawk te chungah lawmthu an sawi a.

Mizoram University-a thil zirchiangtu hrang hrang telna ZPM Research Wing chuan ZPM chu Mizoram damna Policy awmchhun leh rinngam awmchhunah a ngai.

MPCC Media Department Chairman, Lallianchhunga chuan Sawrkar laipui Human Resource Development Ministry hnuaia Sakhaw tenau behchhana zirna In ten \anpuina an dawn theihna, Infrastructure Development for Minority Institute hmangin Aizawl FC Football Academy-in diklo takin sum an dawng niin a sawi.

Zoramthar chuan Inrinni khan Serchhip Bazar-ah Vantlang inkhawm buatsaihin Mizoram inthlan-pui neih turah Mizoram-ah Pathian lalram a ding dawn niin an sawi.

Mizoram Tipper Association chuan Driver te chunga hleilenna chu sawrkar hotu ten sim tawh se an duh thu an sawi.

NLUP kan sem chhunzawm zel dawn - Lal Thanhawla Serchhip Block Congress Committee buatsaihin Inrinni khan Serchhip Bazar-ah Vantlang Inkhawmneih a ni a, he hunah hian Serchhip bial-a Congress Candidate, Lal Thanhawla leh an Party hruaitu dang ten thu sawiin Lal Thanhawla chuan NLUP chu sem chhunzawm zel a nih dawn thu a sawi.

MNF President, Zoramthanga chuan, “Pathian leh kan ram tan titu MNF leh BJP Hindutva hi a kal dun thei ngai lo ang,” tiin MNF chuan BJP leh Congress a thawhpui ngai dawnlo tih a sawi.

ZPM Sr. Vice President, Dr. Kenneth Chawngliana chuan nimin khan thuthar thehdarhtute kawmin ZPM in Assembly inthlanpui neih tur Independent-a an chuh chhan a sawifiah.

Mizoram sawrkar-a FCS&CA Department chuan tun thla (November, 2018) chhunga Mizo-ram-a eirawngbawlna Gas man tur bithliah tharin hemi ang hian Serchhip-ah chuan Eirawngbawlna Gas Domestic Cylinder Kg. 14.2 a rit chu Rs. 1081/- a ni tawh dawn a, hetah hian Subsidy Rs. 576.99 zel pek a ni ang. Tuna Gas man hi a hma ami aiin a sang hret a ni. Hei bakah hian Kg. 19-a rit Commercial Cylinder man chu bur khat zelah Rs. 1877/- a ni bawk ang.

Little Flower Convent School Serchhip chuan nimin khan an School-a Science Ex-hibition cum Flower Show an nei a. He hunah hian an zirlai naupang, Kg-A a\anga pawl 8 thleng ten thil chi hrang hrang phochhuakin pawl 6 chin chunglam ten Science thiamna hmanga thil tih theih chi hrang hrang an phochhuak bawk a. He Exhibition hian hlut a hlawhin an zirlai naupangte bakah Marian High School naupang te leh zirlai nu leh pa ten an tlawh a ni.

Mizoram sawrkar Excise & Narcotics Department-a Commissioner leh Secretary, KT. Beicho chuan nimin khan Serchhip-a Assistant Commissioner of Excise & Narcotics Office chu tlawhin an dinhmun a enfiah.

Assembly inthlanpui lo awm tura Serchhip District chhung Assembly bial pathum-a duty tur Presiding Officer (PRO) leh Assistant Presiding Officer (APRO) te tana Training vawi hnihna chu nimin khan neih a ni.

Mizoram Chief Electoral Officer (CEO) thar, Ashish Kundra, IAS chuan Bru voter-ten an vote thlakna turin ramri hnaih deuh Kanhmun khuaah Polling Station siam sak a nih a rin thu a sawi.

ZPM Val Upa Council Member, Rinsanga chuan ZPM Candidate te chu midang anga lei mai mai theih an awm ve lo tih a sawi.

Rampuma Press mite zalenna leh mawhphurhna inhrilhhriatna Ni atana hman \hin, National Press Day chu nimin khan ramchhung hmun hrang hrangah hman niin Serchhip-ah pawh District Information & Public Relations Officer (DIPRO) Office buatsaihin urhsun taka hman a ni.

District Child Protection Unit, Serchhip buatsaihin nimin khan Serchhip-a MHIP Branch hruaitute tan Naupangte venhimna leh hum-halhna Dan hrang hrang zirhona neih a ni.

Assembly inthlanpui neih tura Serchhip District chhunga Booth Level Officer (BLO) te hna thawh dan tur chungchang inhrilhhriatna leh zirhona chu nimin khan Serchhip-ah neih a ni.

Sawrkar laipui-a Ministry of Tourism kaltlanga Thenzawl khuaa Golf Course siam mek chu kumin chhung hian zawh hman beisei a ni.

Nimin khan Raj Bhawan-ah Governor Kummanam Rajasekharan chuan Archaeological Survey of India (ASI) hotute leh INTACH Mizoram Chapter hruaitute a kawm a. He hunah hian Governor chuan ASI leh INTACH hotute chu Vangchhia hmuna Heritage Site chungchang leh hmalakna kal mek te a sawipui.

Election Commission of India chuan Mizoram-a tlawmngai pawlte duhloh Chief Electoral Officer (CEO), SB. Shashank chu la chhuakin a aiah Mizoram sawrkar-a Higher and Technical Education changtu Secretary, Ashish Kundra chu CEO thar atan nimin khan a rawn ruat ta.