Lenkawl

Zu khuahkhirhna dan thar, MLPC Act 2014 hmang thei tura hriattirna, Official Gazette chu tun thla chhunga tihchhuah a ni dawn.

Kristian te hunpui Krismas 2014 leh Kumthar 2015 lawmna chu Serchhip-ah pawh boruak muanawm tak hnuai ah neih a ni.

Mizoram pumah tun thla ni 19 leh 25 chhung khian Fire Prevention Week chu hman a ni dawn a, March ni 15, 2015 hmain Lo leh huan hal tur zawng zawng ten hal tur a ni bawk ang.

Horticulture Department in Serchhip Lengte rama Centre of Excellence an kalpui mek chu nimin Dec. 16, 2014 khan MJA Serchhip District Member ten tlawhin an hmalak dan an enfiah.

Mizoram sorkar Information & Public Relations Department in ‘Mizoram Calendar 2015’ an siam chu tunlai hian District Information & Public Relation Officer (DIPRO) Office, Serchhip IOC Veng a\angin hralhchhuah mek a ni a. Mizoram Calendar hi Serchhip District-ah 1500 rawn thlengin pakhat Rs. 50 hisap zelin lei theih a ni.

Serchhip Joint VC chuan kumin kumhlui thlahna programme buatsaih tura DC’s Office in an ngenna chu tih hlawhtlin nise an ti.

Inrinni kalta (Dec. 13, 2014) chhun dar 12:15 vel khan Lunglei District-a Tuipui Darzo kai lei dawh mek chu a chim a, lei hian mi 10 chim hnanin hliam an tuar a, hliam zinga pakhat chu damdawi In panpui a nih laiin a boral bawk. 

HPC (D) te chuan an demand area chhunga sorkar School Headmaster leh Head Teacher \henkhat te hnenah pawisa khawnna lehkha an thawn.

Synod Pastoral Committee \hukhawm chuan Synod Inkhawmpui a chhawpchhuah turin Pro Pastor 26 an la thar a, heng mite hi Mizo-ram chhunga thawk tur mi 20 leh Synod Mission Board hnuaia thawk tur mi 6 niin heng Pro. Pastor lak thar te hi tunkar Nilani, Dec. 10 khian Synod Rorelna Floor-ah inlan tura tih an ni a. Heng Pro. Pastor tura lak thar zingah hian C. Lalramchena Chhangte s/o  Upa C. Lalhmun-liana, Serchhip Field Veng pawh a tel nia thudawn a ni.

MJA Serchhip District chuan nimin Dec. 8, 2014 zing khan Executive Meeting neiin kumin a tualchhung chanchinbu tihchhuah Ni hnuhnung ber tura an lo ruahman tawh Dec. 20, 2014 chu remchan lohna a awm avangin Dec. 19, 2014 (Zirtawpni) thlengin tualchhung chan-chinbu tihchhuah nise an ti a. Hemi Ni hian intihhlimna neiin miharsate \anpuina hun hman nise an ti bawk.

Mizoram sorkar in Kumhlui thlah zana District hrang hranga sum a pekchhuah \hin chu Serchhip District chuan kumin hian Rs. 80,000/- a hmu leh a. He sum hman dan tur hi nimin khan District Bawrhsap hova sawiho niin a hma lama Concert lo huaihawt \hin chu a hlawhtling lo nia hriatna a awm bawk avang leh Concert huaihawt thei hi an awm mailo nia a lan avangin thutlukna siam lovin hun danga la ngaihtuah turin an dah nia thudawn a ni.

Mizoram puma ram hectare 20,377 a zau ah Oil Palm chin a ni tawh.

Mizoram District paruk a Tan In (Jail) 7-ah nitin chawhrualin mi tang 1,167.05 awm reng ang an ni a. Hetihlai hian Mizoram-a District 2- Serchhip leh Mamit District-ah chuan Jail hi hman theih ala nilo thung.

Mizo Zirlai Pawl (MZP) in Haflong Moulhoi-a ZOFEST 2014 a buatsaih chu nimin Dec. 4, 2014 khan Chief Minister, Pu Lal Thanhawla chuan a hmanpui.

Serchhip District Child Protection Unit leh DIET, Ser-chhip bultumin nimin Dec. 4, 2014 khan Serchhip District chhunga Primary School hrang hranga Nodal Teachers for Protection of Child Rights te pualin DIET Conference Hall, Serchhip Chanmari Veng-ah naupangte venhimna Dan chi hrang hrang zirhona neih a ni a, Serchhip District chhunga Primary School zirtirtu 77 an tel a ni.

Sericulture Minister Dr. BD.Chakma chuan NLUP 3rd leh 4th Phase beneficiary te tan pawisa dawn tur a awmsa vek tawh tih sawiin, ‘One Village, One Crop’ anga kalpui tum anih tawh avangin hma thar lak a nih thu leh peihfel \ep a nih tawh thu a sawi bawk.

Fisheries Minister Dr. BD. Chakma chuan nimin Dec. 4, 2014 khan Serchhip-a District Fisheries Development Officer’s (DFDO) Office tlawhin Serchhip-a DFDO leh Staff te lakah beiseina sang tak a neih thu a sawi.

Manager MIZOFED LPG Ser-chhip Branch hnen a\anga thu kan dawn danin MIZOFED LPG Serchhip-a Gas connection nei zawng zawng ten Direct Benefits Transfer Scheme (DBTS) hman a nih tawh dawn avangin MIZOFED Office ah MDBTL ‘Form 3’ leh ‘Form 4’ te Rs. 10/- in lei theih a ni a, a duh tan www.Indane.co.in-ah download theih a ni bawk ang. Hemi Form thehluhna atan hian Gas Card leh Bank Detail te hman tur a ni bawk ang.

Zoram Drivers’ Union (ZDU) chuan nimin Dec. 3, 2014 khan Ai-zawl-ah General Assembly neiin ZDU hruaitu hlun chawimawina an hlan a. He chawimawina hi ZDU Sub-Hqrs. Serchhip-a hruaitu nilai mi 6 te chuan an dawng \heuh a. ZDU Sub-Hqrs. Serchhip-a hruaitu 3 ten a zawna kum 10 chhung hruaitu nih chawimawina dawngin hruaitu dang 3 ten a zawna kum 5 hruaitu nih chawimawina an dawng bawk a ni.

Serchhip-a Horticulture Department chuan nimin khan Serchhip Cluster huamchhunga NLUP 2nd Phase \anpuina dawngtute hnenah 3rd Installment an sem.

India rama Member of Parliament (MP) ten Model Village an neih \heuhna tura ruahmanna chungchang zirhona chu nimin khan Serchhip DC’s Conference Hall-ah neih a ni.

‘Rualbanlote mamawh ber an dikna leh chanvo neih te dik taka an chan a ni.’ - D.C

Nimin Dec. 2, 2014 a\ang khan rorellai Mizoram Pradesh Congress Committee (MPCC) chuan Aizawl-a Vanapa Hall-ah General Assembly vawi 35-na an hmang a, Presidential Address petu MPCC President leh Chief Minister ni bawk Pu Lal Thanhawla chuan eptu party MNF-in Supreme Court a\angin sorkar tumin hma an la leh mek niin a sawi.

Nimin Dec. 2, 2014 a\ang khan Serchhip Chhim Veng-a Lalpui-thanga Hall-ah Serchhip-a a \um-khatna atan ‘Christian Book Festival’ chu neih a ni a, he Festival hi Rev. C. Lalengliana chuan Ribbon chep chata hawngin Pathian hnenah \awng\aina nen a hlan a ni. He Book Festival-ah hian Bible leh Pathian thu ziakna lehkhabu chi hrang hrang te leh CD bakah In cheina leh Krismas laia In cheina tur chi te chu a man pangngai aia za zela 10-a tlawmin zawrhchhuah a ni a, he hun hi tunkar Zirtawpni thleng khian neih tura ruahman a ni.

Nimin Dec. 2, 2014 khan Serchhip District chhunga Registrar of Birth & Death te tan Serchhip AOC Veng-a District Research Office-ah training buatsaih a ni a, he training hi Aizawl a\angin Pi Ann Puii, Deputy Director, Economic & Statistic Department chuan rawn hmanpuiin Form chi hrang hrang hman dan zirho a ni a, he hunah hian District chhunga Registrar of Birth & Death 44 zinga mi 42 an tel a ni.

UD&PA Department in SJSRY kaltlanga BPL member Furniture Workshop, Handicrafts leh Puan\hui (Tailoring) zirna Serchhip-a a buatsaih a zirchhuakte hnenah nimin khan Certificate leh hmanrua sem a ni.

Serchhip-a Excise & Narcotics Department chuan Krismas leh kumthar vuakvet lo thleng tur atan ngawh taka hma la mekin nimin Dec. 1, 2014 khan Chanmari Veng chhuahlam ah ramchhuakin Zu siamna hmun \hahnem tak an tichhiat bakah Rakzu thlawrsa leh a siamna bel \ha-hnem tak an man bawk.

Kumin Krismas leh kumthar vuakvet ah mipui ten an mamawh thil chi hrang hrang awlsam zawka an lam theihna turin Serchhip Ba-zar building chung zawl chu thil zawrhna hmun atan hman leh a ni dawn a. Hemi atan hian nimin khan Serchhip Bazar tual-ah Seat Number pawh niin Serchhip Bazar Building chung berah thil zawrh tum mi \hahnem takin Seat hi an pawt a ni.

Serchhip Kawnpui South Branch YMA chuan kumdanga an lo tih tawh \hin angin Krismas lo thleng tur atan nimin Dec. 2014 a\ang khan Serchhip Bazar cheimawi hna an thawk \an a, Taxi Stand hnung-a lungrem chu rawng an hnawih thar bawk a ni. Hetihlai hian kumin hian Krismas vuakvet-ah kumdang aiin mahni veng cheimawi tum an tam zawk nia thudawn niin veng hrang hrang chuan tunlai hian hma an la \an mek bawk a ni.

Serchhip-a thil rutu nia hriat mi pakhat chu nimin zing khan Serchhip Dinthar Veng-ah a thilruk te nen man a ni a, hetihlai hian nizan hmasa khan Serchhip Hmar Veng a In pakhat chu rawk a ni bawk.

Nimin Dec. 1, 2014 khan khawvel pumah ‘World AIDS Day’ hman a ni a, Serchhip-ah pawh he Ni pual hian inkhawm neiin Dr. ZD. Lalmuanawma, District Medical Superintendent chu khuallian a ni.

MZP buatsaih Zofate inkhawm-pui lian ‘Zofest’ chu a \um-6 na atan tun thla Dec. 3 a\anga ni 5 inkar chhung hian Assam-a Haflong khua-ah neih a ni dawn.

Mizoram Mathematics Society (MMS) chuan Inrinni kalta, Nov. 29, 2014 khan Serchhip District chhunga zirlai te tan Govt. Higher Secondary School Serchhip-ah Mathematics Subject Competitive Exam an buatsaih a. He Exam-ah hian Serchhip District chhunga zirna In hrang hrang a\angin zirlai 100 chuangin exam hi an bei a ni. Mathematics Competitive Exam hi Class V, Class VII, Class X leh Class XII ten an nei a ni.

Mizoram Public Service Commission chuan Directorate of Agriculture Crop Husbandry-a Agriculture Technology Management Agency (ATMA) hnuaia thawk tur, Deputy Project Director 5 lakna result chu kar kalta khan tichhuakin John Laltluangliana s/o Francis Lalmaka, Serchhip P&E Veng chu tling zingah a tel a.  ATMA hnuai veka Horticulture hnuaia thawk tur, Deputy Project Director 4 lakna ah Gregory Malsawmkima s/o Daniel Lalawmpuia, Serchhip P&E Veng chu a tling bawk.

Mizoram Synod Moderator, Rev. K. Lalhmuchhuaka chuan Inrinni kalta, Nov. 29, 2014 khan Presbyterian Serchhip Kawnpui Kohhran Biak In sak thar chu hawngin Pathian hnena hlanna neih a ni a. He Biak In sa thar tur hian Jan 12, 2009 khan lungphum phum niin Rs. 210,36,535 sengin a dung feet 90 leh avang ft 60 a zauva sak a ni a, a chhungah mi 1100 leng tura ngaih niin ni 2042 chhung sak a ni a, tun \um hi Biak In sak \um 4-na a ni.

Mizoram Health Care Society (MHCS) chuan kumin 2014-2015 chhungin damlo inenkawlna senso ah cheng vbc. 10 chuang a pechhuak tawh.

Bairabi leh Sairang inkar Rel kawng lian chi siamna tur lungphum chu Inrinni, Nov. 29, 2014 zan khan Prime Minister, Narendra Modi chuan phumin cheng vbc. 2000 chuang senga hna thawh a ni ang.

MJA Serchhip District chuan kumin (2014) atan Dec. 20, 2014 thlengin tualchhung chanchinbu tichhuakin Krismas leh kumthar chawlh hman nise an ti a, kumthar atan Jan. 6, 2015-ah chanchinbu tihchhuah leh a ni ang.

Kumin January thla a\anga September thla thleng khan JN Hospital Serchhip Blood Bank-ah thisen Unit 446 pek a ni tawh a, kum chanve hnulam ah a thlawna midangte tana thisen pek zat erawh a tlahniam hle thung.

‘NLUP hlawhtlinna a dawngtu-ah innghat’ - D.C. Serchhip-a Soil & Water Conservation Department chuan an hnuaia NLUP Second Phase \anpuina dawngtu te hnenah \anpuina sum an dawn hnuhnung ber tur chu nimin khan Bawrhsap hovin an sem.

Kumin a Krismas leh kumthar vuakvet lo thleng turah mipui ten buaina awm lova hlim taka hun an hman theih nan Serchhip Police te chuan tunlai hian hma la mekin zan lamah Veng hrang hrang fangin hma an la chho \an mek.

Industry Minister Pu H. Rohluna chuan M/s Mizo Carbon Products Pvt. Ltd. chu Industry department in show cause notice a pe mek tih sawiin, an permit an renew loh avangin explantion an call mek tih a sawi bawk.

Chief Minister, Pu Lal Thanhawla chuan Mizo \halaiten overtime leh holiday-a hna thawh ngai chi te an thawk peih meuhlo tih sawiin, Mizoram a inbun company leh contractor te chuan Sorkar leh mipui zah vang chauhin Mizo \halai an chhawr a ni, a ti.

Food, Civil Supplies & Consumer Affairs Minister, Pu John Rotluangliana chuan ration dawr a\anga buhfai leina man, kg khatRs. 9.50 ni \hin chu nakum January thla a\angin kg khat Rs. 15 a ni tawh dawn tih Assembly a hrilh a, ration dawra buhfai man tihpun a\ang hian sorkarin thla khatah cheng vbc. 4 leh nuai 56 a hmu dawn tih a sawi. Minister chuan nakum January thla a\ang chuan VIP quota zawng zawng pawh tihtawp a ni dawn tih a sawi a, sorkar officer lian leh sumdawng hausa zawng zawngte pawh an ration card hmanga ration la tawh lo tur leh, an ration card chu sorkara thehlut turin a ngen a, ration card chu chhungkaw identity card pawimawh atan hman \hin a nih avangin sorkara thehluttute hnenah buhfai lakna atana hman loh tur chi ration card pek chhuah a ni ang, a ti bawk. Pu John Rotluangliana chuan dawrkaite chu an dawra buhfai zuar \hin turin a ngen a, FCI a\anga lak, supply buhfai tih loh, buhfai dang bazar a\anga leite chu zalen taka zawrh chhuah phal niin a sawi bawk.

Finance Minister Pu Lalsawta chuan Mizoram Sorkar in leiba a neih hriat theih hnuhnung ber chu cheng vbc. 5114.20 a ni, a ti.

Tunhnai chhoa Airtel Company in Serchhip khawpui chhunga NH. kam-a cable phumna tura kawng sir an laih chu Serchhip-IV VC te chuan an huamchhung kawngpui sir ah laih an phalloh thu an sawi a. Airtel Company ten phalna an neih thu an sawi rualin, VC te chuan kawngpui zauhna hi an sum a thawh a nih avangin an phallo nia thudawn a ni a, hei vang hian Bazar leh Kikawn inkar chu NH. 54 tlaklam ah phum a ngai dawn nia thudawn a ni.

Labour Employment & Industrial Training Minister Pu Lalrinmawia Ralte chuan Chhiahtlang a ITI dinna tur ram buai chu chinfel a ni tawh tih sawiin, hna thawh \an thuai a ni ang, a ti.

Lirthei leh a kaihhnawih laka fimkhur a \ul zia inzirtirna Hapta ‘Road Safety Week’ vawi 34-na chu nimin a\ang khan Mizoram hmun-dangte rualin Serchhip-ah pawh hman \an a ni.

Mahni chenna tur In leh lo din thei lo mi rethei te tana chenna In \ha tak sak sakna tur ruahmanna Rajiv Awas Yojana (RAY) Pilot Pro-ject chu nimin Nov. 24, 2014 khan UD&PA Minister, Pu Zodintluanga chuan Aizawl-ah a hawng a. RAY hian a tum ber chu kum 2022 ral hmaa ‘Slum Free India’ siam a ni a, he Scheme hi Mizoram District khawpui zawng zawngah kalpui tum niin Preliminary Survey neih zawh a ni tawh a, Mizoram-a khaw 8-ah kalpui phawt tur niin In pakhat sakna atan Rs 4,87,000 /- ruahman in he Project atan hian cheng nuai 1,120.01 pawm a ni tawh bawk.

MHIP Sub-Hqrs. Serchhip buatsaihin nimin Nov. 24, 2014 khan MHIP kumpuan, ‘Faina uar Kum’ bawhzuina atan Serchhip Bazar leh a chhehvel thenfai hnatlangpui neih leh a ni a, he hunah hian Serchhip Town-a MHIP Branch 19 a\angin mi 120 vel an thawkchhuak a, bawlh-hlawh paihna turin DLAO chuan Motor a pe bawk a ni.

Home Minister Pu R. Lalzirliana chuan kum 6 kalta chhunga IR Bn. te enkawlna tura Mizoram Sorkarin central a\anga sum a hmuh chu cheng vbc. 31.87 a nih thu sawiin, IR te enkawlna tura Mizoram Sorkar sum senral tawh chu cheng vbc. 565 niin a sawi.

Mizoram pum huap Boxing inelna Serchhip Boxing Hall thara khelh, ‘State Bank of India - POS 36th Mizoram State Boxing Championship 2014’ chu Inrinni zan khan zawhfel a ni a, Lunglei District chu an champion a ni.

UPC (NEI) hnuaia Penticostal Youth Department (PYD) Serchhip Pastor Bial chuan kumin a Conference an an lo rel tawh tih hlawh-tlinna atan Inrinni kalta, Nov. 22, 2014 khan JN Hospital Serchhip Blood Bank-a dah turin a thlawnin thisen an pe a, thisen petute hi mipa 18 leh hmeichhia 4, an vaiin mi 22 an ni a, thisen petute hian Blood bank-ah kalchilhin thisen hi an pe a ni. Thisen pek \an hma hian Association for Voluntary Blood Donation (AVBD) Serchhip Branch chuan thisen pek pawimawhna te zirtirin Awareness campaign an nei bawk a ni.

Tun thla (Nov. 3) zana Serchhip AOC Veng-a hnamdang mi 4 hrai ruitu ten Serchhip-a an thurualpui mi pakhat chu Inrinni khan Serchhip-ah man a ni.

Local Administration Department (LAD) in Serchhip leh Kei\um inkar Dawngzawl rama ‘Serchhip District Park’ an siam chu Inrinni kalta, Nov. 22, 2014 khan Chief Minister Pu Lal Thanhawla chuan a hawng.

Serchhip P&E Veng Branch YMA chuan Tuikum lui, Pu Lawm-hlira leilet a\anga lui mawng lam, Darnam chhuah thleng chu an hum-halh thu sawiin, Dan in a phalloh hman-rua Dynamo, Bomb, Tur, Chinai etc. hmang te a Luidung nungcha man an khap tih an sawi a. He an khapna hi mitin ten zawm saka lo humhalh pui tura sawmin, an khapna bawhchhia te chu thuneitute hnen ah an hlan tur thu an sawi bawk.

Health Minister Pu Lal Thanzara chuan Health Department hnuaia thawk te chu mihring nunna khawih an nih avanga hmangaihna nen damlo enkawlna kawng ah thawk \hin tura fuihin, mualphona tawk thei reng an nih hre renga fimkhur taka thawk \hin turin a chah bawk.

Serchhip Field No-I a Auditorium sak chu Contractor in an hawsan hnuah enkawltu mumal an awmloh avangin leh bungrua bo a awm nual tawh avangin Serchhip-I VC leh Field Veng Branch YMA chuan nimin khan hung in mipui tlawhpawh theihloh turin an dah a. He building hi kumin December thlaa zawh hman tura ruahman a nih laiin a satute an haw tak avang hian Tender chhuah leh a ni dawn nia thudawn a ni.

Chief Minister Pu Lal Thanhawla chuan Printing & Stationary Department chu Department hrang hrangin an dawr theihna turin an bungrua te hman tlak quality \ha ngei a nih a ngai tih a sawi.

Mizoram-a Zu khuahkhirhna tur Dan thar, The Mizoram Liquor (Prohibition and Control) Rules-2014 Dan tesep duan te chu peihfel a nih hnuah nimin khan Assembly House-ah pharh a ni ta.

Serchhip Bazar tual-a Electric ban leh Telephone ban awm chu sawnchhuah a ni dawn a, nimin khan Telephone ban sawn dan tur leh tuna hrui kal mek sawn dan turte enfiah a ni bawk. Heng ban sawnna atan hian PWD chuan P&E Department-ah Rs. 55,850/- an pe tawh a, he sum hi a area neitu VC te rulh leh tur nia sawi a ni bawk.

Model Village-ah Serchhip District-a khaw 2 thlan an ni

Social Welfare Department changtu Minister, Pu PC. Lalthanliana chuan cheng vbc. 12 senga Serchhip-a Eklavia Model Residential School sak mek chu reilote ah zawhfel beisei a nih thu nimin a Mizoram Legislative Assembly inkhawm ah a sawi a. Kumthar a Session thar ah zirna \an theih tura hawn beisei a nih thu a sawi bawk.

PWD changtu Chief Minister, Pu Lal Thanhawla chuan PWD in Assembly zawhna an chhanna chungchang enfiah a nih tur thu sawiin, Serkhan-Bagha Road chu zangnadawmna avanga \an theih a nihloh thu a sawi bawk.  

Serchhip Field Veng Branch YMA leh Serchhip-I Village Council te nizan hmasa a \hukhawm chuan Serchhip-a Auditorium sak chawlh san tak chu misual leh rukru tam takin an rawk mek avangin humhalha veng turin hung nise an ti a. Hei bakah hian tumah luh tum tawh lo tur leh nulat tlangval hman nan emaw, ruihtheih thil tih nan emaw hman tum tawhlo turin mitin te an ngen nghal bawk. He an ngenna ngai pawimawhlo a lut lui te chungah a \ul anga action lak a nih tur thu pawh sawiin, \ul bik thila lut tur te chu VC leh YMA hruaitute hriat-tir turin an ngen bawk.

Sports Minister Pu Zodintluanga chuan, Mizoram chhunga khelmual 6 ah phullem phah a nih tawh thu House a hrilh.

Serchhip Chanmari Branch YMA chuan an Branch huamchhungah Ui khuahkhirh turin hma an la mek a. He an hmalakna atan hian an Veng-a Ui nei zawng zawngte survey an neih hnuah heng Ui zawng zawngte hi Number pein he No. hi Ui in an awrh theih turin an siam sak a. Heng ui No. an pek te hi nimin Nov. 18, 2014 a\ang khan sem chhuakin hetiang awrh lo Ui te chu Ui chuang ah ngaih an ni anga, lo tiral an awm a nih pawhin sawibuai theih a nih loh tur thu an sawi bawk.

Mizoram Building & Other Construction Workers Welfare Board hnuaiah tun thleng hian chhawmdawlna dawng tawh mi 17092 a awm a, hemi atana tun thla Nov. ni 7, 2014 thlenga sum hman tawh chu Rs 16,28,39,438/- a tling tawh.

Mizoram Boxing Association (MIZBA) buat-saih 36th Mizoram State Boxing Championship chu nimin Nov. 18, 2014 khan Serchhip-a Boxing Hall sak mek ah khelh \an a ni.

Finance Minister Pu Lalsawta chuan tun dinhmuna K Deposit a sum dah chu cheng nuai 53523.96 a tling tih sawiin, sorkar a awm chhung chuan K. Deposit ah hian sum dah a ngai reng dawn niin a sawi bawk.

Kum 2015 kumtir a\angin Mizoram-ah Employees State Insurance Scheme kalpui \an tum a ni a, he scheme hnuaia inziaklutte chu damloh nikhua ah an inenkawlna senso zawng zawng a thlawnin tumsak vek an ni dawn.

Tourism Minister Pu John Rotluangliana chuan Mizoram chhunga Tourist Lodge 15 te chu mimal hnena hlan tum a nih thu sawiin, hemi atan hian Tender pawh tihchhuah a ni tawh tih a sawi.

Home Minister Pu R. Lalzirliana chuan Assam leh Mizoram ramri buaina chingfel turin sorkar leh sorkar inbiak a \ul thu sawiin, Assam leh Mizoram sorkar aiawhte inbiakna \um hnih neih a nih tawh thu a sawi.

Mizoram Legislative Assembly Budget Session ni thumna, nimin Nov. 13, 2014-a chhunzawm ah eirukna dona tur Lokayukta Bill 2013 chu pass a ni.

Kum 20010 a\anga kum 2013 thlengin Mizoram-ah buh Ton 222,611 thar a ni a, kumtin in buh thar zat hi a pung zel a ni.

SCERT-a Special Education Officer, Pi Sangzuali chuan Vohbik naupangte laka mipui nawlpui in kan rilru put hmang chu kan thlak a \ul tawh thu a sawi.

Mizoram-a NLUP kalpui mekah NLUP hnuaia \anpuina dawngtu mi 176 te chu NLUP \anpuina dawng zui tlaklo an ni.

Mizoram sorkar chuan thuchhuah siamin April 2015  a\angin sorkar laipui chuan Mizoram a Domestic LPG Consumer-te tan Direct Benefit Transfer Scheme (DBTS) a kalpui tawh dawn thu an tarlang.

Central sorkar in ramchhunga MP tin te Model Village nei tura a tih angin Rajya Sabha MP, Pu Ronald Sapa Tlau chuan Chhiahtlang khua chu Model Village-ah thlangin nimin (Nov. 12, 2014) khan puan a ni.

Kum 2013-2014 chhungin ni za inhlawhna tia hriat lat Mahatma Gandhi National Rural Emloyment Generation Scheme hnuaiah Mizo-ram chuan sum Rs. nuai 25668.964 a hmu a, hemi kum hian chawhrualin Mizoram mipui chu ni 79 inhlawh ang an ni.

Tun thla Nov. 3, 2014 zana Serchhip AOC Veng-a hnamdang mi 4 te hrai ruia rawktu chu hriat ni tawhin man tuma beih mek a ni a, hemi zana an rukbo Car chu hmuh let ni tawhin nimin khan Serchhip rawn thlenpui a ni.

Nimin a Mizoram Legislative Assembly inkhawm ah Mizo khawtlang nun her danglam thei tur dan pawimawh tak, inneih, in\hen leh rokhawm chungchang-a dan tlawh chhan tur ‘The Mizo Marriage, Divorce and Inheritance of Property Bill 2014’ chu lungrual taka pass a ni.

Tun thla Nov. 3, 2014 zana Serchhip AOC Veng-a hnamdang mi 4 te hrai ruia rawktu chu hriat ni tawhin man tuma beih mek a ni a, hemi zana an rukbo Car chu hmuh let ni tawhin nimin khan Serchhip rawn thlenpui a ni.

Mizoram sorkar in ruahmanna a siam angin Hmeichhe lam Doctor (Gynaecologis), Dr. Vanlalhruaii, Aizawl Civil Hospital a thawk lai chuan tunkar Zirtawpni leh Inrinni (Nov. 14 leh 15) khian JN Hospital, Serchhip-ah Clinic a rawn nei dawn a, a mamawh apiangte tan rawn theih a ni ang.

Finance Minister Pu Lalsawta chuan Mizoram sorkarin a man tlawma mipuite hnena Buhfai, Power leh Tui a hralhchhuahna a\angin thla tin cheng vbc. 24.18 a hloh ziah a ni tih sawiin, mipuite chu sorkara sum chawi tur an neih angte dik taka pe \hin turin a sawm.

RMSA Serchhip District leh SCERT Mizoram buatsaihin nimin Nov. 11, 2014 khan Serchhip District a High School leh Higher Secondary School zirlai naupangte tan Free Health Camp neih a ni.

Mizoram Legislative Assembly 7-na \hutkhawm \um 4-na Budget Session chu nimin Nov. 11, 2014 khan \an niin kum 2014-2015 chhunga Mizoram sorkar Budget cheng vbc. 3140 chu House-ah pharh a ni.

New Serchhip Community Hall sak thar chu a chhunga Volleyball khelh theihna tura siam a ni a, Inter-District Volleyball Championship khelh tura Serchhip District aiawha kal turte tan bik chauh hman theiha siam ala ni rih thung.

Naktuk November ni 11, 2014 a\anga \an tur Mizoram Legislative Assembly \hutkhawmah chuan dan siam tur ngaihven hlawh tak tak putluh a ni dawn.

Tripura-a Mizoram mi Bru raltlan te awmna tura Transit Camp siam a nih a\anga tun thlengin Bru raltlan mi 6,511 laklet an ni tawh a, Mizoram-ah Bru te inhnamhnawihna inrukbo \um 17 a thleng tawh bawk.

Mizoram Football Association (MFA) buatsaih MFA Cup-2014 Champhai-a khelh mekah Serchhip District aiawhtu, Zote ‘S’ chuan a thlengtu Champhai District chu 7-0 a hneh lovin Semi Final-ah an tla a. Nimina Semi Final khelh ah hian hun chanve hmalam ah Zote ‘S’ hian goal 5 chhuahin hun chanve hnu-lam ah goal 2 an chhuah leh a ni. Nimin a Semi Final inkhel dangah Aizawl District aiawhtu Aizawl FC Jr. in Kolasib District aiawhtu, Vengthar GSA, Kolasib chu 5-0 a hnehin Final an lut bawk a, Vawiin ah Final khelh a ni ang.

SDFA buatsaih Lalsawmliani & Lal Thanchunga Memorial Football Tournament chu Vawiin hian Khawtetlang Field-ah khelh \an a ni dawn a, Team 23 telin Nov. 21 khian Final khelin zawhfel a ni ang.

Mizoram Legislative Assembly Estimate Committee member te chuan  Nov. 4, 2014 khan Kaladan Multi Modal Transit Transport Project Road laih mek chu Lawngtlai a\anga Burma ramri thlengin an zawh chhuak.

Karleh Thawhlehni, Nov. 11, 2014 a\anga Mi-zoram Legislative Assembly Budget Session neih turah Bill ngaihtuah tur pahnih a lut tawh.

Nizan hmasa (Nov. 3, 2014) zan khan Serchhip AOC Veng-a hnamdang In luaha khawsa chu mi tu tih hriatloh ten hrai ruiin an Motor leh pawisafai engemaw zat an ruk sak nia thudawn a ni.

School Education Minister, Pu H. Rohluna chuan nakum (2015) School Academic Session a\angin Mizoram-a Middle School leh Primary School-ah te NCERT text book hman tum a nih thu a sawi.

Serchhip Hmar Veng-a Sports Complex-a Football Stadium sak hna chhunzawm turin Tender koh mek a ni a, he Stadium hi sak zawh a nih hunah Artificial Grass phah tum a ni.

Mizoram Legislative Assembly hnuaia committee peng pakhat Committee on Estimates chuan nimin Oct. 3, 2014 khan Chhingchhip-a Sainik School sak mek leh M/s SK. Bamboo Chipping Mill bakah Serchhip-a Tourist Lodge sak mek te an tlawh.

ZNP President Pu Lalduhoma chuan “Sairang a Lengpui Airport panna lei zawh chim mai mai theiha a awm hi sor-kar mawhphurhna liau liau a ni a. Lei (Bridge) thar dawhtu Contractor ten hunbi tiam chhunga an thawk zo lo te pawh chhan lian tak a awm a ni,” a ti.