Motor in lei a zawh chim sorkar mawhphurh niin sawi

ZNP President Pu Lalduhoma chuan “Sairang a Lengpui Airport panna lei zawh chim mai mai theiha a awm hi sor-kar mawhphurhna liau liau a ni a. Lei (Bridge) thar dawhtu Contractor ten hunbi tiam chhunga an thawk zo lo te pawh chhan lian tak a awm a ni,” a ti.

He thu hi nimin Nov. 3, 2014-a Aizawl-a an Party Office-a inkhawm neih ah sawiin ZNP President Pu Lalduhoma chuan he lei dawh hi a tira Estimate chu cheng vbc. 6.259 a nih thu leh Mizo-ram sorkarin a duhsak tak Contractor Tantia Company chuan 11.76% a sanga tender chhangin he hna hi pek an nih thu a sawi a. August 2011 a zawh tura tih a nih laiin hunbi tiam a\anga kum 3 zet hnuah an hna an zo thei lo nia sawiin, pawisa zaa 50 zet, vbc. 3.75 an hman tawh laiin an hna thawh tur zaa 9 chauh an la thawk thung niin a sawi bawk. Hei bakah hian ZNP President chuan “Tantia Company hian kan ram ah hna an ngah mah mah a. Kan sorkar hotute nen hian an inkawmngeih mah mah a ni,” tiin ‘Mawhphurhna hre lo, neitu rilru pu lo sorkar hi Zoram hian kan kham takzet a ni,” a ti bawk.