Legislative Assembly Session neih mekah Mizo mipuite nghawng tur Dan thar pawm a ni.

Nimin a Mizoram Legislative Assembly inkhawm ah Mizo khawtlang nun her danglam thei tur dan pawimawh tak, inneih, in\hen leh rokhawm chungchang-a dan tlawh chhan tur ‘The Mizo Marriage, Divorce and Inheritance of Property Bill 2014’ chu lungrual taka pass a ni.

Nimina Assembly inkhawm ah hian Law & Judicial Minister, Pu Lalsawta chuan 'The Mizo Marriage, Divorce and Inheritance of Property Bill 2014 hi pulutin, tun dinhmunah Mizo inneih, in\hen leh rokhawm chungchang chu hmanlai a\anga lo tih \hin dan, Customary Law anga kalpui a nih avangin dan rorelna hnuaiah fiahlo leh chiang tawk lo a awm \hin tih a sawi a. ‘He dan thar hian hmeichhiate tan zalenna kawng a hawng dawn a ni,’ a ti. He dan thar hnuaiah hian Mizo inneih dan rualkhai leh inangtlanga kalpuina tur tarlan a ni a. Nupa in\hen chungchang dan anga kalpuina tur te, hmeichhia ten an pasal hluite hnen a\anga chhawmdawlna an hmuh theih dan tur te, Naupang enkawl chungchangte, pa rokhawm chungchanga fapa indang tawhte leh hmeichhe fa te chanvo tur te mumal taka tarlan a ni. He bill sawihona ah hian Assembly-a hmeichhe member awm chhun, Nl. Vanlalawmpuii Chawngthu in thu sawi hmasa berin member \hahnem takin an sawiho zui a, House chuan lungrual takin a pass zui a ni.
    Hei bakah hian dan dinglai siam\hatna tur, ‘The Lushai Hills District (Village Councils) (Amendment) Bill 2014’, LAD Minister Pu PC. Lalthanliana putluh chu Session ah hian sawihova pass a ni bawk a. He dan siam\hatna hnuaiah hian Village Council ah te hmeichhiate tana seat hauhsak an ni tawh dawn a, In 200 chin hnuailam ah VC member 3 neiin an zinga pakhat chu hmeichhia a ni tur a ni a. In 200 leh 500 inkarah member 5 awmin hmeichhe tan seat 1 hauh a ni bawk ang a, In 500 chung lam 1000 chin hnuai lamah VC member 7 an awm ang a, hmeichhe tan seat 2 hauh a ni ang. In 1000 chin chung lam khua zawng zawngah VC member 9 an awm ang a, hmeichhe tan seat pathum hauhsak a ni dawn bawk a ni. Hei bakah hian VC term kum 3 ni \hin pawh kum 5 ah tih sei a ni a, Sorkar a\anga hlawh anga ngaih theih ham\hatna dawngte chu VC member an ni thei dawn lo bawk a ni. VC inrelbawl dan turah President, Vice President, Treasurer leh Secretary Post te siam tur a ni a, Treasurer chuan VC tangka a kawl ngei tur a ni tih tarlan a ni bawk a, VC hnathawh tur leh thuneihna pawh engemawchen tihsan a ni bawk.