Sorkar laipui ruahman angin Mizoram-ah Direct Benefit Transfer Scheme hmang dawn.

Mizoram sorkar chuan thuchhuah siamin April 2015  a\angin sorkar laipui chuan Mizoram a Domestic LPG Consumer-te tan Direct Benefit Transfer Scheme (DBTS) a kalpui tawh dawn thu an tarlang.

Hemi chungchanga sorkar thuchhuah chuan he scheme ruahmanna ah chuan, LPG Consumer ten LPG Distributor/Agent-te hnen a\angin Gas man tlawm a lei tawh lovin, a man pangngai (Market Rate) in an lei tawh tur thu leh, a man tlawmna (Subsidy) chu Consumer-te Bank Account-ah sorkar in a thunsak tawh dawn tih a tarlang a. Hetianga kalpui anih tawh dawn avang leh Consumer ten he ham\hatna hi an dawn ngei theihna atan, Domestic LPG Connection neitu zawng zawng ten Indian Oil Corporation Limited (IOCL)-in a duan, Form 3 leh Form 4 hmangin, Gas Subsidy an dawnna tur Bank Account Number leh Mobile Phone Number, an mahni Distributor/Agent-te hnenah \heuh thehluh tur a nih thu leh Bank Account neilo leh thehlutlo chuan he ham\hatna hi a dawn ve theihloh tur thu a tarlang bawk.
    Hetiang ruahmanna hi kalpui a nih tawh dawn avangin Mizoram-a Consumer ten harsatna an tawh loh nan leh felfai zawk a kalpui anih theih nan sorkar chuan ruahmanna siamin Consumer ten Bank Account No. leh Phone No. thehluhna tur form hi copy khatah Rs.5/- aia to lovin Distributor ten an hralh theih bakah midang Form lei-sa pawh photocopy siam a hman theih niin internet a\anga download pawh pawm a ni bawk anga, Consumer-te awlsam zawkna atan, Distributor hnenah kal kher ngai lo in, Bank account nei sa tan, Bank-ah ‘Form 3’ hmangin an thehlut thei bawk anga. He form thehluh turah hian Bank Passbook, thlalak leh Hming leh Account No. lanna photo copy thil tel tur a ni ang.