Chief Minister in ZOFEST 2014 a hmanpui.

Mizo Zirlai Pawl (MZP) in Haflong Moulhoi-a ZOFEST 2014 a buatsaih chu nimin Dec. 4, 2014 khan Chief Minister, Pu Lal Thanhawla chuan a hmanpui.

He hunah hian Chief Minister chuan Zofate insuihkhawma rorelna khat hnuaia kan awm hi Pathianin engtik hunah emaw chuan min la pek ngei a rin thu sawiin, Zohnahthlaktechu British awpna tuar nasa ber hnam kan nih thu a sawi a. Myanmar, Bangladesh leh India ram State hrang hrang a Zohnahthlak te chu rorelna khat hnuaia awm ni ila hnam zahawm leh hnam ropui kan ni thei tih sawiin, Zohnahthlak \awng tam tak zingah Duhlian \awng, Mizo \awng kan tih bawk chauh chu a thiam anih avanga hmang a nih thu a sawi a. Zohnahthlakte insuihkhawm theihna tura MZP in theihtawp an chhuah lai leh North Cachar Hills Autonomous District Council hruaitute leh District Administration pawh ina an phurpui em em laia harsatna siama, tharum hial thawh hreh lova invauna nena hmalatu te chu insuihkhawm duhlotu an nih thu sawiin, an demawm thu leh hnamdang zingah min timualpho hle tih sawiin, ching tawhlo tura a duhthu a sawi bawk. ZOFEST 2014 hi MZP in \um 6 an buatsaihna a ni a. Kum 2002 ah Chura-chandpur-ah, 2004 leh 2006-ah Aizawl-ah leh 2009 ah Tripura-ah te neih tawh a ni. He hunah hian hmun hrang hrang a\angin Zohnahthlak \hahnem tak an tel a ni. Chief Minister hi NCHADC member ten ropui takin an lo hmuak a, a kal chhung hian traffic zawng zawng an khuahkhirh vek a. Rajiv Bhawan-ah ropui takin chawimawina an hlan bawk a ni.