Session-a chhanna mumallo enfiah dawn. Compensation vangin kawng laih \an theih la nilo.

PWD changtu Chief Minister, Pu Lal Thanhawla chuan PWD in Assembly zawhna an chhanna chungchang enfiah a nih tur thu sawiin, Serkhan-Bagha Road chu zangnadawmna avanga \an theih a nihloh thu a sawi bawk. 

Mizoram Legislative Assembly Session neih mekah nimin khan MNF Member Pu Lalruatkima chuan Assembly Session hmasa lama Sihhmui leh Lengpui inkar lei dawhtu contractor te hnathawh \an hun chhanna pek a nih leh nimin rorel inkhawma PWD changtu Chief Minister in a chhan dan a inan loh thu leh Kanhmun-Damcherra-Zamuang-Kawrthah-Tuilutkawn kawng siam hna thawk turin Session hmasa lamah Contractor thlan tawh anga sawi anih laiin tun session ah thlanloh anga chhanna pek a nih thu a sawi chhuak a, PWD changtu Chief Minister Pu Lal Thanhawla chuan House-a chhanna inmil lo pek a nih chungchangah hian ‘Pisa lam an inthlahdah tih a lang a ni,’ a ti a, hemi chungchang hi enfiaha, a \ul anga action lak a nih tur thu a sawi bawk. Hei bakah hian Chief Minister chuan lei dawh leh a kaihhnawiha harsatna awm \hin leh a hun taka zawh theih awm mumal lo chu a ngaihmawh thu pawh sawiin, Enginner te pawhin inenfiah nan an hman a \ul a ni, a ti a, Sorkar kalphungah beidawng an awm a nih chuan amah pawh chung mite zingah a tel ve tih sawiin, amaherawh chu beidawn a remloh avangin Sorkar hnathawkte hnathawh dan siam\ha turin sorkar chuan theihtawp a chhuah a ni, a ti bawk.
    Hei bakah hian Chief Minister chuan Serkhan-Bagha kawngpui laih turah zangna-dawmna pek tur a tam lutuk avangin Sorkarin bul a \an thei rihlo tih a sawi a, he kawng laih turah hian a tirah zangnadawmna pek ngai tura chhut cheng vbc 6.72 a awm thu leh hemi hnu hian ram pass lem leh lem lo te nasa takin a pung tih sawiin, Estimate siam\hatah chuan zangnadawmna pek tur hi cheng vbc. 13 laiah a kai chho ta niin a sawi a, zangnadawmna hi Mizoram Sorkar pek tur a nih avangin Sorkarin pek tur a nei rih lo a ni, a ti bawk.