MLPC Act atan Official Gazette tun thla ah chhuah tum a ni.

Zu khuahkhirhna dan thar, MLPC Act 2014 hmang thei tura hriattirna, Official Gazette chu tun thla chhunga tihchhuah a ni dawn.

Excise & Narcotics changtu Home Minister Pu R. Lalzirliana chuan nimin a Excise & Narcotics Department-a thawktute kumthar thingpui inhona Aizawl-a neih hmanpuiin MLPC Act hman hun tur chungchang hi a sawi a, MLPC Act chu tun sorkar kum chhunga kalpui hman tum a nih thu leh zu zawrh phalna leh in phalna pekchhuah dan tur pawh bawhzui mek a ni tih sawiin, MLPC Act chungchang mipuite hriattur \ul angte chu puanzar thuai a ni ang, a ti a. Zu zawrhchhuah hmain a lei theihna permit pekchhuah hmasak phawt a nih tur thu sawiin, Zu zawrhna hmun siam tur zat chungchang ah Department hotute chu rawtna siamfel thuai turin a hrilh nghal a. He dan hi hman a nih rualin a kengkawhtu department ten khawng taka thuneihna an kalpui a tul dawn a ni, a ti bawk. He hunah hian Excise & Narcotic Department Commissioner Pu Lalhmunsanga pawh in tualchhung chanchinbu \henkhatah Article pakhatah MLPC chu sorkar in tlanchhe chunga ruahman anga a rawn ziah chu thu diklo a ni tih sawiin, MLPC chu Mizoram society mil tur bera a duan a nih thu leh zu phalrai na tur a ni lova na zawka control na tur zawk a nih thu sawiin, a leina permit nei te pawhin thlakhat ah um 6 chauh an lei theih tur thu a sawi bawk.