Rukru nia hriat man; In pakhat rawk

Serchhip-a thil rutu nia hriat mi pakhat chu nimin zing khan Serchhip Dinthar Veng-ah a thilruk te nen man a ni a, hetihlai hian nizan hmasa khan Serchhip Hmar Veng a In pakhat chu rawk a ni bawk.

Thudawn danin nimin (Dec. 1, 2014) zing dar 8:30 vel khan Serchhip Dinthar Veng-ah Ngurthansanga (24), Serchhip P&E Veng-a a U te In a khawsa mek nia insawi hi thawmhnaw engemaw zat nen hmuh niin rinhlelh a nih avangin thu zawhfiah a ni a, heng a thawmhnaw te hi a ruk ngei nia hriat niin nizan hmasa khan damdawi a ruih avangin heng thawmhnaw te hi khawi a\anga a lak nge a hre theilo thung nia thudawn a ni a, amah hi Police kutah hlan niin he thu buatsaih lai hian Police ten an la kawl mek a ni. Ngurthansanga hian Champhai khua nia insawiin kar 4 vel kalta a\ang khan Serchhip-ah hian a awm niin a insawi a, hmun hrang hrangah a inhlawhfa \hin niin a insawi bawk. Heng an thil ruk zinga \henkhat hi a neitu \henkhat chuan an la tawh bawk a ni. Hetihlai hian nizan hmasa (Nov. 30, 2014 @Pathianni) zan inkhawm hlan khan Serchhip Hmar Veng YMA Hall thlang-a Pu Zoramthara s/o Biakhmingthanga In-ah mi tu tih hriatloh te chu lutin Almirah-a an dah pawisa Rs. 8000/- vel an la nia thudawn a ni a, misual te hi Ventilation a\anga lut nia rin niin Serchhip Police Station-ah FIR thehlutin ngawrh taka chhui zui mek a ni bawk.