Kangmei venna kawnga hmalak dan tur ruahman. March 15, 2015 hmain Lo leh huan hal tur.

Mizoram pumah tun thla ni 19 leh 25 chhung khian Fire Prevention Week chu hman a ni dawn a, March ni 15, 2015 hmain Lo leh huan hal tur zawng zawng ten hal tur a ni bawk ang.

Nimin January 5, 2015 khan State Level Fire Prevention Committee chu Co-Chairman, Pu Lalrinmawia Ralte, Minister of State, Environment & Forest hovin a Office-ah an \hukhawm a, he hunah hian Sub-Committee in kumin a kangmei venna tura hmalak dan tur alo ruahman tawh te thlirin Fire Prevention Week chu 19th - 24th January, 2015 chhungin hman ni se, Week Hawnna hun 19th January, 2015 ah neih nise an ti a. Lo leh huan hal hun atan 15 March, 2015 hma ni tura Sub-Committee lo ruahman chu an pawm bawk. Hei bakah hian kangmei tichhuak lo leh kangmei ven kawnga hnathawk \ha District leh khuate lawmman Sub-Committee rawtna siam chu pawmin District Level-ah pakhatna a\anga pathumna thleng lawmman, citation leh pawisa fai Rs. 50,000/-, Rs. 30,000/- leh Rs. 20,000/- bakah District tinah kangmei ven kawnga ti\ha khuate 1st a\anga 5th thleng thlang chhuak a lawmman Rs. 50,000/- Rs. 30,000/-, Rs. 20,000/-, Rs. 15,000/- leh Rs. 10,000/- leh citation pek an remti bawk.

Hei bakah hian he \hutkhawm a tel te hian kumin hian kangmei laka kan fihlim theih nan theihtawp chhuah nise tiin, a theih anga tam leh a remchan dan angin awareness neih nise an ti a. Dan pawisa lova ram tikangtute hriat anih theih nan leh a \ul anga an chungah action lak anih theih nan khawtina Village Council te leh Local Council te chu an huamchhunga Lo vat khua leh lo hal tur nei chhungtin te an hming list buatsaih a PCCF-a thehlut tura tih niin hei hi LAD lamin lo bawhzui tura tih a ni bawk.